黎耀祥, 係實力派果隻. 我一早就鍾意睇佢做既戲. 佢既成名作, 就係-齊天大聖-裏頭既 “朱八戒”. 呢套戲佢同呀老孫張偉健, 我都係好鍾意. 老孫既 “Yo,駛乜驚呀”, 同埋老朱既 “多情自古空餘恨” …….. 好似仲係眼前咁…..

呀祥仔既戲, 深刻既有 ”齊天大聖”, “楚漢驕雄”, “鐵血保鏢”, “射鵰英雄傳”, “強劍”, 同埋衣家播緊既 “巾幗梟雄”. // 仲有 ”余家聲”呢個角色都好 - 掂!

     前年既 ”強劍”, 佢演既東方無崖, 我係好希望佢攞奬, 點知無份. 不過, 果陣時都feel唔到陣”除”. 舊年, 佢終于都攞到喇, 真係好戥佢高興, 實至名歸.

“武曲星, 行動第一, 短慮不顧後果, 慳吝, 正直….

“武曲守命, 文作監司身顯達, 武臣勇猛鎮邊疆”

….

呀柴九既性格, 我覺得真係同武曲星幾似架.  09年既舊曆三月戊辰,四月己巳月, 啱啱又係貪狼,武曲化祿相繼而嚟. (武曲同貪狼好容易埋到堆) 今個月己巳月(又係己丑年), 雙武曲化祿一齊嚟, 所以套劇真係爆到九彩. 咁, 呀祥仔會唔會攞埋個視帝呢?

近排既豬流感, 我睇到有d大師話：－　

2 乙大師:-09年, 七赤飛到東面, 而八運六白到東方, 所以六七交劍煞, 金旺不利木, 木係美國, 金主肺. 所以美國有變種流感. 咁, 再9年之後, 仍然係六七交劍煞係東方, 係米都有流感架? 係米再變種個款?

3 丙大師: - 因為今年流年八字利醫生既生意, 所以容易有病災之類既事發生 (反推高手)

哈哈, 以上解釋, 我真係唔明 !!!???

Sorry, 我晨咁早叫你地咪亂跟. 其實, 個市一唔妥, 或者唔係同我腦諗既方向一樣, 唔理3721, 我就一定叫停. 然後再檢討. 個市我諗唔明, 請指正吓.

同一篇 “風雲十二日”, 又有預測雷曼事件, 最快要明年第一季有著落, 最多可取回四份一. (靈感), 呢鑊又衰埋, 唔, 係時候要收山. 

至於亞視, 我又講過09年會有新股東, 而且係大個隻. 答案係, 舊年丑月就發生, 睇番吓舊文章, 新老細既料都差唔多講左出嚟. 不過鬼揞眼, 睇唔到. 依家就幾清楚. 丑年未完, 睇吓呀旺旺老細, 會唔會真係做亞視既大股東. 

 講番呀老千風水師, 我係07年就斷估佢既爭橙案會輸. 自己都唔記得係邊篇嘢寫過. 無乜心機摷. 總之講過啦. 再講多次, 07年就己經話佢會輸, 會等到09年先至有答案. 今年話咁快就到. 呀老千話佢自己唔識睇羅庚既喎. 震鬆, 震鬆, 食橙啦.  

近期發覺自己, 好似江郎才盡, 倒吊都無乜墨水, 所以好耐無貨出, 死啦, 會唔會好似倪匡先生話齋, 作嘢既quota差唔多喇.    

呢一排, 睇左人地既嘢, 有人話立春八字, 係無可能算到某特定地方既運程. 又有人話, 丙寅丁卯月, 係今年股市最好既時間. 哈哈, 咁, 我又唔自量嚟睇睇.

立春八字, 己丑年, 丙寅月, 庚辰日, 丙子時. 預測如下

今個丁卯月, 無論係世界市定係匯控, 都係無運行. 上次講左, 寅卯辰會局剋丑金庫. 另外, 木局生丙火剋庚金, 日主庚已無辰土照住, 嘩, 打到殘. 搵定櫈仔等睇戲. 睇吓大鱷點玩嘢. 到左下個月戊辰月, 戊土通關, 丙火生戊土生庚, 全世界較好, 有反彈. 但係, 辰土剋子水, 子水傷官受制. 成個月嚟睇, 即係話, 反彈吓而己.

對於獅王既創意睇法.

2 第二輪供股, 吓, 會有第二輪咩? 係呀, 我斷估到年底有第二次. 四供一囉. 係獅王自己要攞水, 去買或者係合併另一件蛋散, 係西方嚟, 過程中有阻力.

3 上期謎題 –“ 英文字母”, 有26個英文字. 靈感價咪係26蚊. 唔知幾時到? 會唔會好似估油價咁衰多鑊.  (某日某時突然係個腦到閃出嚟)

4 獅王如果唔瓜得, 都要2012年先至有運行.

(又認叻) 前年07年, 我早就同人講, 股神長揸既方法, 我己經唔buy. 匯控呢, 我亦都講過, 有機會大冧都唔出奇. 果陣時, 恒指升到砰砰聲.  結果, 今日睇到喇. 對於玩術數既我嚟講, 太陽會升會降, 朝代有生有滅, 所以, 股票, 邊有長揸嫁!  (ref 一流分析員). 好失望, 果時聽到我講過既人, 無人彩我.

睇吓獅王被人狂插, 係ICU門口排緊隊, 真係戥佢難過. D外資大鱷狼過華秀隻汪汪.  “你憨”比呀獅王既身價係28蚊. 周五晚, 係米國同埋倫敦, 獅王既身價跌穿40大洋. 香江收市價係43.5.

今年既流年, 真係唔係幾好. 因為自己唔想寫咁多負面嘢. 個blog經常無新料到.

獅王真係要多謝全香港既人, 好多人撐佢. 祝佢大吉啦. 我呢兩日有靈感價, 獅王股價係………(估吓啦, 謎題係- 英文字母)

克林頓做總統, 米國有錢剩. 亞薯仔一做總統, 就衰到無人有.

格林斯潘當政, 財經中人個個信佢, 白藍黑一上任, 時時慢幾拍, 又係無運行.

龐約翰一日仲係匯控大班, 匯控仲係無事. 一到葛林就任. 匯控一落千丈.

個人嚟睇, 骨主貴, 肉主富, 睇吓葛林一條藤咁. 佢初初上任, 我就唔鍾意. 仲有, 佢之前好似係做牧師. 印星較重. 又唔係紅褲仔出身 我真係唔知佢有幾勁. 聽埋佢對業績既講解, 唔掂, 喂, 炒魷啦.

諗諗吓, 奧巴馬雖然口才一流, 不過, 佢同呀薯仔, 財長蓋特立都唔係富泰樣. 米國佬真係………..有排捱.

特區政府既任志剛可能就快唔撈. 據聞係塵地淋會接上 (個名好難聽, 心到手到,多多得罪, 莫怪). 我睇見佢就唔舒服喇! 有d嘢, 真係唔好亂咁郁. 等吓環境好d先啦. (個人好蠢既諗法)

黃郁人, 又名癲狗, 咁叫真係唔好聽, 不如叫Dolly啦. Dolly乖!  

你話係教徒, 送你一句嘢 “語言暴力的人有福了, 因為它們必得支持”

仲有, 記得同財爺講, 一係唔比, 比既就5皮或以上, 5千銀咁少, 我地邊夠駛.

 涼過龍, 又名長毛, 搞嘢搞左咁多年, 都唔駛踎登, 你就應該叫Lucky啦.

Lucky乖, 送你一句嘢  “第一個掟蕉係天才, 第二個掟蕉係傻仔呀.”

腸胃熱, 哈, 乜誰? 無聲狗, 又無吉屎, 走啦! 鬼叫你唔係叫Dolly咩.

仲有一件, 真係好欣賞, 呀小猫吳愛二. 呀me mi, 你真係好嘢, 居然胡蘇曾被人搞, 出聲都要被妳吠. Sorry, 妳係猫嚟既喎. 港大既市民記得啦, 打不還拖, 罵不還口呀. 呀胡蘇曾你又係, 唔配合吓劇情. 等廣大既窮苦市民過吓癮.

呢四件小可愛, 真係香港之寶. 發老脾可解決問題既話, 大家就發多d喇.

係1月29號既信報p12右下角, 睇到呀羅耕老兄, 對香港完學家08年預測資料收集, 我都抺一額汗, 佢真係勤力同用心過我好多! 睇完篇嘢, 搞到我都唔敢再亂寫亂吹. 假假地我都只係化學家嚟. (唔知, 出年我會唔會比人擺上信報, 信報喎, 唔駛錢最好預埋我啦)

見佢咁出力, 我都要奉獻番少少. 講吓財經界既08預測. 回顧吓啦. 又係太耐, 好早期睇過, 資料可能唔係咁updated. 講番記得既嘢. 咪見笑.

1.呂x華, 係Capital雜誌最初講, 個市跌到26000點就可以入貨.

2.梁x鷹, 個市會跌到約22000, 然後低位運行4個月.

4前瑞信首席分析師陸蔥, 先話個市會去42000, 之後又話到27500, 最後又話20000點. 最經異既係, 舊年佢經常都話未係熊市. 最近就話個熊市有排都未完. 唔……….. 仲好意思出書係度車天車地.

5 孖寶兄弟, 陳x陸同郭x治, 舊年年中成日話, 唔理個市係熊定牛, 依家只係講升市同跌市. 最緊要都係基本因素無變. 我係熟人面前, 都炳佢地唔少. 哈哈 …..

6曾x滄, 跌到24000, 先至開始轉勢話 熊市嚟緊, 要沽貨.

7曹x超, 係較為遲既一個話係熊市. 好似以前一樣, 牛市以經嚟左一段時間, 先至會認同. 跳慣慢四步. (記得係咁上下)

8生菓報周日既數浪專家王x, 我睇左佢兩年, 大約係舊年11月左右, 佢曾經修改佢一向既數浪方法. 之後又錯左. 再後, 就好d, 己經有幾個假設數浪方式. (我個人自以為是既數浪方式 – 有幾個大師都數錯左,  07年8月既升浪, 佢地只係睇圖樣, 不過就無計條數)

9 沈x雄, 佢都係一級一級睇, 不過,佢都好早話個市會去到18000. 之後有改番14000左右.

10 沈x盈, 我居然唔記得佢講過d乜. 奇怪.

11 鄺x彬, 記得舊年我預測恒指走勢時, 佢同我諗既嘢完會相反. 到左後期, 又跟番個市走. 佢有改過睇法, 或者唔係咁多人記得. 不過, 我好記得囉.

我都交番少少功課. 算係咁啦!

哈哈, 神人邊到搵得到? Help!

羅耕：錯到九彩信報財經新聞       錯到九彩  By 羅耕  2009-01-29
　　以立春計，鼠年始於去年西曆2月4日。恒指由農曆（下同）4月不足27000點跌至9月11000以下，高低相差16000點。上綜由正月4700點跌至9月不足1700點；台股亦由4月9300點跌至10月4000點。
　　本港整體樓價首五個月微升1%後，5至10月累跌18%，千六呎以上的豪宅更跌29%；10月成交額較正月跌79%；經濟增長則由首季7.3%跌至第三季1.7%。
　　另外，鼠年人民幣僅升5%，美指數卻升13%，金價於900美元有波幅無變幅，油價由90美元升至近150美元後跌至40美元。玄學之士的預測呢【表】？

玄學之士一年前對鼠年的預測（排名按筆劃序）  

      李丞責：金價、油價全年都會有升幅，但不會有大波動，進展比較穩定、平均……恒指有機會重上30000點以上，大約在農曆5、6月，但低處仍會回落到20000點左右（8/2，東方）
      吳佩孚：次按問題會持續數年……但中國的勢頭極佳，應可抵禦問題，叫大家鬆一口氣。（6/2，文匯）
      伯威：鼠年本港整體運程，與去年比較相差不遠，經濟表現平穩……石油供應可算正常，但價格亦會處於較高的水平中……樓價亦有微調向上的機會。農曆10月：民生經濟，各行各業有較佳表現的月份。農曆12月：一般市民又有薪金上調之勢。（5/1，明報）
      何昭劻：預計2008年大市會在30000點上下徘徊。（4/2，經濟）
      宋韶光：鼠年的香港股市，過了農曆5月，會出現升軌。（10/2，亞洲週刊）
      馬君程（錢可通）：鼠年的香港股市……應不會過分暴升，相反，亦不會暴跌狂瀉……是上落較小的流年。（30/1，太陽）戊子年對地產市場同樣有極正面的影響……成交的數量會比較多，而轉手率亦會更高……今年的豪宅市場走勢，自然是勝過中下價物業市場。（23/2，太陽）
      高萌禧：樓市會持續暢旺，豪宅樓價在今年會有升幅……整體樓價會上調。（31/1，星島）
      區仲德：本港樓市會繼續暢旺，特別是農曆上半年……樓市會欣欣向榮，價量齊升，當中樓價會有一至二成升幅；但到農曆年尾……升勢會因而減弱。（31/1，星島）今年香港運勢「旺財旺身，財富天來」，經濟市道仍然是一片美景（9/2，成報）
      麥玲玲：看好今年樓市，豪宅的交投量會創出新高（31/1，星島）今年賭風熾熱，仍然有「全民皆股」之象。（4/2，經濟）她預測人民幣可有20%至30%的升值能力……而美元就始終難逃一劫……（8/2，東方）對於今年香港經濟，堪輿學家麥玲玲同樣認為走勢會向好（11/2，文匯）
      黃震宇：雖然樓價於農曆正月及2月會反覆回落，但農曆3月過後，本地樓市將繼續暢旺。（31/1，星島）
      楊天命：直至3月份，市場將有好消息出現，楊天命解讀為「港股直通車」的實施……6月份恒指更會推至高峰並且再創新高……10月份市場將穩步上揚，11月大市更會持續上升（2/12，大公）台灣人經過八年的壓抑，現在既然有機會，一定會「大賭特賭」，股市亦必然會急升！（23/1，東周刊）堪輿學家楊天命，預測鼠年樓市仍然不俗（6/2，經濟）A股絕對會繼續上升，且升勢比港股更凌厲（11/2，文匯）
      蔡伯勵：港股經歷驚濤駭浪豬年，但預測踏入鼠年後會趨於穩定，相信波幅無咁大（24/1，東方）
      蔣匡文：香港2008年股票不如2007……但並不是太差（2月，信報財經月刊）
      盧恆立：鼠年最當旺的地區屬於亞洲，東南亞運程不錯，但以印度來說最當運。背靠祖國的香港，運勢同樣極佳……而特首曾蔭權流年運勢亦好（6/2，文匯）
      蘇民峰：預計今年整體經濟更為活躍，且會延至2009年……金融股票方面較為活躍，為先跌後升之局，故春夏兩季要留意低位入市，尤其是初夏（4、5月）時會跌到最低，那時入市是最好不過，預計秋冬之後，大市應有不錯的表現。至於樓市，買賣亦會較活躍……只是平穩向上。（4/2，經濟）樓價可於冬季追上股市步伐，2009年上半年升幅更強。（9/2，星島） 

無論你得幾多, 失幾多. 時間都會過, 最緊要Happy.

無論你幾長命, 幾短命, 時間都照過, 最緊又係要Happy.

有幾多擔憂, 幾多苦惱. 時間亦都靜靜過, 最緊都係要Happy.

千祈唔好同自己唔妥.

最近無乜心機再寫 ”論運程書係列”, 來來去去都係差唔多.

諗住睇吓養命有咩嘢講, 佢d書包到十分密實, 我又唔好意思拆開佢, 哈, 唔睇就算啦.  等到呀小明出既書, 我約略睇過吓, 不過唔上心. 大大話話揭過3-4次. 都仲未想寫. 

其實, 我係好想見到有紫微斗數呀, 七政四餘呀, 大六壬呀等等出既運程書. 不過, 唔多覺有. 或者, 日後會係個網到有高手發表都唔定.

1 志痕大師 : 己丑, 納音火, 講嚟無意思.

值年卦, 風地觀, 木克土. 互卦, 山地剝. 不吉

農曆四五月,地產不利. 五六月, 股市有波動. (無講點解)

係呢兩年, 有次係電視聽到佢預測恒指未來走勢, 唔記得升定跌, 幅度約千多點. 結果, 佢中左! 果次扺讚.

2 餸食光 : 都係百無. 無嘢講.

3淋親 – 以前睇過佢d手面相書, 印象中無乜睇過佢寫既命理嘢. 係佢既運程書, 佢話舊年係小蓄卦, 今年係雷火豐. 全都係用爻辭講解, 睇過之後, 我記唔到佢講過乜. 好粗略, 無具體嘢, 又係年年都啱用. 兩個字 – 失望. 好似呀查查曾經跟佢學過嘢.

4 小明 – 年年差唔多佢都係好後先至出書. 雖然我都久唔久踩吓佢, 不過都要讚吓佢寫得幾多嘢. 起碼字數咁多, 時間都係花唔少既.

我只係抽一少部份講吓, 佢預測香港經濟09年, 三月, 八九月, 及十同十一月, 會有反彈期.

奧巴馬2010年會做跛腳總統. (小明大師, 美國第一位坐輪椅既總統, 係第32任羅斯福總統, 佢連任左4屆)

(好多大師, 都唔會檢討吓自己舊年既對錯)

呢度, 我想講多少少奧巴馬. 佢既流傳八字 – 辛丑年, 乙未月, 己已日, 癸酉時. 新曆8月4日, 舊曆係六月廿三日.

紫微斗數嚟睇, 貪狼入命坐戍宮. (我係 ” 2008年香港小姐” 話佢一碌木,  可能會當選總統, 哈哈, 撞中. )

大師話佢會2010年跛腳, 我唔係好贊成. 我諗佢既睇法係, 庚寅運, 庚寅年, 兩庚克寅木, 所以咪會跛咯. 不過, 我發現, 佢係行大運庚寅運時, 係要到2010年底12月先至到. 咁即係話, 要跛都要等到12月. 得番一個月, 機會幾微. 你地信唔信. 係咪同佢同年同月出世既人都會跛呢? 好多大師, 無小心留意到入大運既時間, 以為一到2月4日, 就即刻嚟料

06年中, 我睇到一本雜誌 “山水天地”, 有位 “周維踱”大師, 算呀徐x高條命(差佬互隊事件, 仲有位瓜左既叫曾x恒), 入運又係有問題, 印象中, 佢係計乙西運, 其實, 果陣時仲行緊甲申運. 舊年, 係佢既新書仔, 有較詳細講入運既嘢. (太耐, 希望無記錯)

跛腳既嘢遲d先至算. 呀奧巴馬, 09年坐天梁, 流年命宮見文曲忌及先天文昌忌, 流年事業宮見太陽忌. 三料齊發. 我唔識睇, 請問大師們有咩高見.

1月5日後, 果然係小寒, 乙丑月, 丑係金庫, 乙木剋丑庫, 大陸金融股被沽, 先有超人誠哥沽中行, 陸逐仲有建設同埋工商被人掟 ……

09年立春八字, 己丑年, 丙寅月, 庚辰日, 丙子時

最初睇呢個八字, 兩丙夾庚, 個腦就即刻彈左句嘢出嚟 –“恐怖大王從天而降”. 呢句嘢, 係我好耐以前睇書見過, 係法國大預言家諾氏既 ”諸世紀” 果度嚟既. 我一向睇八字, 都係首先搵重點, 同埋用直覺去feel吓.

估唔到, 近日就有好幾單嘢, 都好有戰爭陣火藥味.

2 加沙比以色列狂轟. (剛剛半年既停火協議結束, 就打餐勁)

3 斯里蘭卡比泰米爾游擊隊偷襲 (果頭啱啱好似話停火)

4 俄羅斯同烏克蘭供氣出問題, 唔之會唔會講手. 之前, 俄羅斯同格老吉亞講左手嚟.

5中國宣佈今年係提升國防軍備年.

09年既經濟, 相信無08年咁差. 係舊既文章約略講過吓, 我會擔心另一個問題, 無錯喇, 就係  -- 戰爭.

日主庚受月時兩丙火夾擊. 丙火係七殺. 命理有話, 有殺先論殺. 今次仲兩件一齊嚟. 死未. 其間, 我仲估緊係邊個家或城市? 好難估, 用八字測城市, 對我嚟講, 係非常困難. 估到係十萬個好彩. 依家既蹟象, 頭4件似係好大雞會…. ???

今個月係甲子月, 甲木生出年09年既丙火, 火係代表戰爭. 所以今個月, 就蠢蠢欲動. (喂, 出年既丙火仲未浦頭喎 ???)

斷估乙丑月會停一停, 出年年頭又再玩過.  由09年既八字斷估: -

1有國家自己唔出招, 搵馬仔出招隊人地. 黑手國家係周圍掠水.

2 出動到火箭炮或導彈之類. (又慢左, 己經出左啦), 甚至生化武器都亮下相.

3 黑手年中既時候, 會被其他國家郁.

4 拉燈今年又見報啦.

5 ………….. 

留番比其它有創意既人發揮吓 ………..

係咪好有想像力呢. 估吓嫁炸, 咪咁認真.

哈馬斯既馬斯, 英文係Mars, 即係火星, 又係戰爭既意思.

早前印尼發生過7級以上地震. 1月4日, 印尼又有地震7.6級. 唔, 兩,次喇. 希望唔好再有. 不過, 今年仍未完.  (早排再估甲子乙丑月仍有大地震.)         

話說呢兩日, 小城市講緊 “董事禁售” 問題, 熱鬧無比. 正奸會大義澟然, 為無知散戶出頭, 對本地上市公司開刀. 真係要拍手贊成. 我係大鱷都全力支持. 多謝晒.

不過, 為左本地廣大既散戶著想, 諗諗吓, 本人仲有些少絶橋提供 :

1 散戶雞翼徵費唔收, 或者最少減半. 存倉費都豁免啦.

2 加倍大戶, 大鱷雞翼費, 期指炒賣費. 以津貼輸錢既散戶

3 每季, 半年, 及全年, 股市都有一個估恒指jackpot大奬, 只限散戶參與. 嘩, 諗起都和味. 馬會都要行埋一邊.

5 醫療津貼當然走唔甩, 炒股係好大壓力架麻. 散戶仔點頂得順呀. 發左神經仲點支持股市呀.

6 可以既話,  “講瓜左”既主席位, 可以用拍賣既方式投番嚟玩吓. 每次玩一個禮拜, 任玩, 乜都得. 我諗, 全世界都會嚟特區學吓嘢.

7 久唔久, 為左搞吓氣氛, 等個場無咁悶. “講瓜左” 搞吓股份狙擊月, 或者股份抽獎大贈送. 又或者, 呀老周自己捐d平價 “講瓜左” 股份出嚟. 真係皆大歡喜.

--------------------------------------------------------------------------------

題外話, 腊髮會既議員湯渣華, 跌股話拉, 為左係雷曼輸左錢既老友, 最好去米國示威吓, 衝擊吓佢地既政府, 等佢地唔好以為香港仔好蝦. 呀脷柱明, 唔該你都出埋你, 同你d襟兄弟宣示吓香港既烕信, 唔好比班米國神棍咁得戚.

有人話, 今次正奸會咁樣做法, 擺明係通敵, 應該叫老廉嚟查吓d高層, 叫佢地飲吓廉記咖啡. 咁傻仔既嘢都諗得出, 除非收左水.

天機化忌, 真係搞到人傻傻地架.

1 禽日睇到本經濟一周1417期 , p100, 亞情情話今年08年, 一白貪狼入中, 所以中國有奧運應數. 出年09年, 九紫火, 咁啱中國60周年國慶. 九紫主喜慶.  照咁樣講, 04年既希臘奧運, 04年五黃入中, 中國應有大事件. 印象唔多覺. (記性唔好, 反而記得03年北京有禽流感) 斷估希臘係中國既西面, 04年西面係七赤, 乜西面唔係貪狼位咩!? 04年, 貪狼在北方.係咪有d矛盾呢?

3 係”風雲十二日”, 預測左出年年頭會變種禽流感, 咁啱, 今日新聞就講起 H9N2 既隱形病毒打到嚟. 希望只係輕keng嘢.  

諗番起, 二次大戰之後, 百癈待興. 當時既社會, 好多國家, 仲係以君主, 元首既權力仍然為重. 之後, 到左6,7十年代, 做官既仍有相當地位, 睇吓當時香港就知. 不過, 到左80年代, 香港開始多左好多富豪, 有d仲係世界佔有一地位. 90年代, 開始電腦已經頗為流行, 講食腦既天下.

無錯喇, 就係想講食腦. 食傷大旺會有以下現象 :-

1 電腦横行. 無左電腦, 好多人無得撈. 炒期指,期貨班大帝都幾頭痕.

2 電影笑片熱賣. 睇吓星爺幾咁搞笑(食神當道), 又搵幾多銀. 又無厘頭. 呢d十足十既傷官行為, 不依規矩. 最近興勁打交片, 點睇都唔似係人類拍得到出嚟. 又有地球末日片種, 係咪”破”既先兆.

3 大旺靠把口搵食既人. 睇吓幾多風水師出嚟行. 不過, 最”近”既都係呀奧巴馬, 口才了得就可以攞個總統嚟玩吓. 真係”近”

4靚kent無枉管, 老豆老母唔敢打. 喂, 人權噃, 佢會告你地過喎. 學校d老師都無佢符. 梗係啦, 玩吓手, 連份工都會無架. 佢地識得投訴. 有d仲識得做吓戲玩吓你, 死未.

5男人鍾意溝女. 睇吓全世界既黃色事業幾興盛. 特別係日本. 今日睇到新聞紙話, 色情業為日本帶嚟6800億收入. 嘩! 嘩! 嘩!

6女人都鍾意搵銀多過搵老公. 食神傷官剋官殺星, 睇吓幾多靚女唔恨嫁. 梗係啦, 女權追上嚟喇. 食傷旺咪就係女權旺咯. 女總理德國都有一個, 美國亦有個國女黑人國務卿, ……..

7 民主自由大旺. 你地睇吓呢幾年, 有邊個政府會安樂架? 好安全咁落台都偷笑啦. 民主同共產都係差唔多. 都係d政棍利用無知既百姓做自己嘢. (突然間諗起笑傲江湖既任我行, 同埋米國佬呀薯仔)

以上都係小兒科既嘢

8 強勁食神傷官, 對於個人嚟講, 係主動出擊型. 不過, 對於國家嚟講, 主動出擊就即係撩是鬥非, 想爭奪財富就會發動攻擊或突襲.  

10 另外, 法治會被忽略, 人好容易無法無天. 美其名話自由, 實質係亂咁嚟.

睇吓呢個世界, 幾多嘢話自由,民主就大晒. 我諗, 傳媒係最大既, 好似無王管咁. 無法啦, 邊個敢出聲. 依家傳媒己經成為公審既利器. 睇吓人類幾時自食其果!

11 由美國引發既金融海嘯, 真係財金機構無監管既好例子. 無他, 官星無運, 政府無力.

13 ........

咁, 食神傷官大運之後, 行乜嘢大運呀. 咪到比肩劫財運咯. 無眼睇. 會唔會由今年開始行呢? 幫手諗吓有乜嘢現象

簡單講住少少, 就係一個 “破”字. 今年08年已經破唔少. 廢話! (希望係自己亂諗嘢, 無無謂謂亂咁吹)

2 以前睇書, 話食傷旺就係腦筋好, 諗嘢醒. 不過, 我見過有d命例, 食傷旺無破無沖合, 不過分析力麻麻, 但係記憶力就好勁. 巨細無遺都記得, 強到得人驚既感覺. 而另一個朋友, 印星旺, 記性反而麻麻. 但分析能力就好強. 以前學既嘢, 唔係咁講噃. 點解掉轉架?

3 股票究竟係屬乜? 好多人話係屬水, 又有d大師話係屬金. 我以前都好唔清唔楚. 人地咁講, 我咪咁睇咯. 不過, 就時中時唔中. 唯有以當年立春八字既財星為準. 

4 好多大師, 對來年經濟預測, 都是以財星為主. 不過, 好多時, 佢地預測經濟同股票都係一齊講. 呢件嘢, 諗一諗, 有無理由架? 好多股票分析師成日講, 股市係走係經濟前頭半年至9個月. 咁, 如果用財星嚟睇, 係睇緊經濟發展定係股市升跌呢? 唔明. 所以, 好多時, 我對於自己股票預測, 都係15,16嫁炸. 中左都係好彩.  

88888888

1夫妻宮既子女宮係乜嘢宮 ?

答案 : 疾厄宮

2命宮紫微化科在午宮, 寅宮既天干係乜? 命宮係乜嘢五行局?

答案 : 天干壬水, 木三局.

答案 : 天機                       

                            999999999

1 之前預測過, 48年出生既人, 有糠尿病. 甲子乙丑月會有問題. 依家只係 呀永霖哥哥出嚟, 話亞魔童唔撈. 咁啱, 呀永霖哥哥係48年出生既. 不過, 我心目 諗咁果個, 仲未曾發出嚟. 係咪又衰左呢? 等吓先.

2呀叮噹天后, 比人算佢07年會發神經, 點知人地就去信左主   流傳既八字如下 : 壬子年, 戊申月, 壬午日.  大運行緊甲辰

我睇唔到點解呀叮噹會發神經喎. 丁亥年既丁火有甲木生, 丁火唔會瓜. 見庚金就仲大把火 “fung fung聲”. 就算無火, 最多都係無動力. 甲木制戊殺. 佢會諗計嚟對付壓力. 反而, 甲辰運, 官殺受甲木直剋, 會唔想做嘢同唔想結婚. 另外, 仲會經常發脾氣. 老細都無面比.

係佢新上任既新聞, 睇呀魔童係亞視既豪情壯語, 當堂要為佢抺一把汗. 喂, 老兄, 你當亞視員工係咪包袱呀? 當亞視d管理曾係咪一舊飯呀? 當亞爺係咪阻住個地球轉呀? 佢講好多嘢, 我都無點上心, 就係佢講唔好再要呀爺嚟睇場呢句嘢, 唔, 我就苦笑啦. 吓, 米國佬都要睇住亞爺個荷包啦.

一個人, 以前勁未必話你以後都會咁勁. 算命術語有句,  “發過不再發”. 即係話好運已過. 你地睇吓97前幾多意氣風發既大佬, 風暴一嚟, 三幾年就打柴. 今鑊係海嘯, 唔之再有幾多個大佬拉柴. 做人不要 ”氣太驕”

斗數既四化, 好多時係先化祿, 再到化權, 然後到化忌. 先係好運, 個人樂觀, 之後個人就會有d橫行覇道, 因為有話事權, 最尾, 就到左化忌, 開始行衰運. 例子,如武曲己年行化祿, 庚年化權, 壬年化忌; 又如天機乙年化祿, 丙年化權, 戊年化忌. 今年咁啱就係天機化忌. 哈, 天機化忌, 忌食腦, 忌叻唔切! 所以, 做人最好謙謙地, 唔好脷刮刮, 要認做細佬會著數d.

戊子年, 癸亥月, 戊寅日, 係呀魔童開工日, 而戊子年, 甲子月, 辛卯日, 丁西時. 係收檔日.

戊日係魔童, 坐下寅木七殺, 即係性格雷厲風行, 又代表壓力. 而年支係亞名妓永霖, 坐下子水成癸合化火生戊土, 即係話老板所信任既人. 好喇, 到左甲子月既時候, 子水係日干戊土既財, 財去生甲木同寅木去剋日支戊土, 老細唔滿意呀魔童. 己丑日, 己合去甲月, 呢度甲係職位, 丑合去寅日, 所以呀魔童被人話佢唔撈. 到左辛卯日丁西時開會, 魔童先至劈低支砲, 辛日西時啱啱就係日主戊土既傷官. 自己要話事.

而名妓永霖點解又無事? 好簡單, 子水合戊化火生年干戊土.  

出年, 我睇亞視會有新既大拍擋. 呀查大哥會認做細佬. 新老細會係點? 魔童同埋名妓既後運又係點? 麻煩你地幫手諗吓.

好喇, 又係斷估既時間 :-

1雷曼事件, 最快要明年第一季有著落, 最多可取回四份一. (靈感)

2出年年頭會有禽流感變種. 最快丙寅月就知.  

小問題:-

1夫妻宮既子女宮係乜嘢宮 ?

2命宮紫微化科在午宮, 寅宮既天干係乜? 命宮係乜嘢五行局?

呀六叔有練氣功, 個人又長壽如龜, 所以龜波氣功咪咁嚟囉. (老作) 至於魔童, 佢既絕技就係魔貫光殺砲. 照以前既戰績同招數嚟睇, 梗係悟空贏啦. 悟空仲有招頂頭鎚添.

個人嚟睇, 今次既大戰, 都係呀六叔贏既多.

悟空, 無線咪係無嘢咯, 咪即係空咯.

呀基哥以前既戰績, 雖然係好”近”, 不過呀六叔仲勁. 由電影打到去電視, 係未輸過. 由黑毛悟空, 打到變金毛既超級撒雅人3, 唸起都勁. 至於呀魔童, 頂龍都係可以同呀菲利大王第二次變身fight過一陣, 你地話佢有幾’近’喇…….

呀查先生舊年入主亞視既時候, 出左個logo A字, 一睇就唔順超, 好鬼唔妥. 有頭威無尾陣, 想唔瓜都幾難.

(我又諗起幾年前既8號仔電盈, 合併後就出左個logo – 半虛半實既地球. 哎! 聽打柴. 之後, 又轉左11個格仔既logo,7虛4實, 仲死, 即係等拆骨. 由2000年既28蚊, 應該140蚊, 衣家剩番得….. )

同埋佢仲係用舊圵五台山做總部. 地運都輸埋 .(呢個我唔知亞視有無換過新地址) 如無記錯, 人地無記係04年左右就移動到將軍澳.

亞視有大把算命師, 風水師, 點解唔幫吓手. 亞四叔既”比埋你生”, 就鬼咁多風水師爭住上. 亞視既查先生笨唔係泛泛之輩, d高人去晒邊? 成日只係下午婦女節目就蒲頭. 印象中, 好耐以前既亞視, 曾經呀李x軍好似幫過吓手. 結果, 都係唔掂.

除非, 亞視由頭到腳大變身, 否則, 係咁先 ……