學而時習之

2.6.3.0.

sssmiles123 — Thu, 13 Nov 2008 21:19:02 +0800

陳水扁終於被收押. 囚衣編號係2630. 26除8剩2, 30除8剩6, 係澤水困卦. 真係應卦到不得了. 另外, 頭兩個數字, 2係兌卦, 6係坎卦, 加埋又係澤水困卦, 而加埋後面既30, 成句嘢即係話受困30年. 有點目瞪口呆既感覺. (我今日先至睇番呢兩日既報紙, 話佢起碼要被囚30年喎.)

幾年前, 試睇吓水餅幾時出事. 06丙戍年, 有施明德紅衫軍倒扁, 點樣都整唔到佢落台. 當時, 我都測過水餅唔會落台, 會做到尾. 下台後會有官非. 呢兩日, 佢被人拉, 2630就係佢既新花朵. 呢條友仔真係夠傳奇. 大起大跌!

曾經我用今年既立春八字睇佢, 會起碼坐5年監或以上. 好彩既話到左申年申月會自由番. 出年佢就好難捱. 會唔會有乜冬瓜豆腐? (唔知係30年, 定係8年, 定係乜都錯呢?)

預計甲子月, 乙丑月, ‘枱都會灣’ 會有大型示威. 會由呀水餅既下屬發動. 參與既人都係低下階層既人仕. 政府好狼狽. (早幾日都己經測左, 不過如係呀水餅未被收監時寫就好d, 依家先至講, 己經慢左半拍.)

xxxxxxx

之前係我篇 “貪狼與天機“ , 測油價會係癸亥月創新低. 由11月7號開始, 己經係癸亥月喇. 而係另一篇既文章 “預測&直覺“, 油價靈感價係50蚊. 禽日紐約期油到左56.16蚊啦. 都算中喇卦. (都係好彩, 無乜特別. 暫時啱住先, 仲要睇耐d). 記得, 之前有好多專家都話油價, 由約150蚊跌落嚟, 應該跌到70-80左右.

xxxxxxx

11月9號晚上8點半睇亞視, 見到呀帶子神婆講五行.

希望無記錯, 大意如下: -

佢話, 如果係春天出世, 個人唔開心, 木旺就要用金. 咁, 要著多d白色衫呀, 戴多d金器呀等等. 其他如夏天出世要用水, 秋天出世要用木, 而冬天出世要用火喎.

我諗, 佢係諗緊日元屬土, 春天木旺克土, 所以個人會唔開心. 用金嚟劈木, 咁就會好架喇. 其實, 有無再諗清楚, 土命本已被木克, 又洩氣用金克木, 好嘥力啫. 點解唔用火. 一可以調候, 二可以化殺生身, 兩全其美. 更可況, 如果係弱土, 就更加弊. 上吐下瀉.

日元,可以係金, 木, 水, 火或土, 只係用金剋木. 係5份1種方法. 5x5就有25種組合. 仲未計日元陰陽添. 只係講用金, 係咪too simple.

節目其間, 螢光幕曾經顯示, 有 '八助' 同 '陽印'. 應該係 '八座' 同 '羊刃'. 工作人員點解唔事先同主持人先夾一夾. 唔知係咪太忙?

論2009年運程書 (四)

sssmiles123 — Fri, 07 Nov 2008 15:53:51 +0800

市場上仲有d用星座, 塔羅或者玄空等方法嚟算流年. 我都好少睇.

星座既嘢, 因為無乜硏究, 所以無嘢講.

塔羅呢, 我覺得較為淺, 所以唔想講. (無料既人係無嘢叻, 我d誇啦啦嘢又出嚟喇! 易卦自己就唔覺得太難囉, 只係要花多d時間. 不過, 學塔羅, 靈感強既, 好易上手.)

玄空, 以前講過. 仍然唔鍾意佢太粗糙. 9個方位就講到晒d嘢, 點相信. 所以, 一望到呢類既運程書, 我就無乜心機睇.

好期待有人用紫微斗數寫既運程書,到依家都唔多覺有. 用六爻都好少. 如果有人用奇門, 或大小六壬, 皇極經世, 七政四餘, 五餘都得(呢個真係有架) …….. 雖然唔識, 都唔拘架我可以用我識既嚟印証吓武功.

1 聞喜 – 殺印相生, 有呀爺睇住. 木火土都旺, 火土旺,利火土行業.

股市春季及冬季都係唔好, 夏季漸好, 秋季有起色.

最尾, 講到姓名學既嘢, 我都係唔上心.

佢今年寫得好過舊年. 記得佢前年果本ok, 舊年麻麻.

2 盲俠聽聲劍- 佢用八字講解,唔用卜卦, 第一失望. 八字解釋好簡單, 第二失望.

盲俠話, 兩丙火夾命. 國家, 政府有麻煩. (我以為佢慣用卜卦既高手)

其他佢既預測

六七月中東戰爭; 日元依家升到明年2月頭;

出年股市跌多升少; 樓價夏季尾,秋季頭入貨.

澳門唔掂.

3 髮正先鋒 – 佢話用六壬起卦得水山蹇, 即係有阻礙喎. 好簡單既卦象, 解到咁多嘢咪好 ”近”. 我本來以為佢係用大六壬起盤, 點之失望添. 八字解釋話己丑濕土, 小心水災.

另外, 樓股會在下半年開始上升. 股票要留心 1,7,9, 及0,3,6 ,既數字. 無講到係頭定係尾,或者係中間. 咁講法, 包中咁滯.

仲有佢測 - 人民幣對美金升到6.6 , 油價升, 食品價升

髮正,你係咪識神通之類既神功嫁! (我聽過有d人講, 有d大師識神通, 笨唔識命理, 講吓風水命理係裝假狗. )

4 木宰羊 - 乜都無,只講生肖運程. 無世界同港運分析, 無八字,無玄空. 百無!!!

一個字 – 屎!

5裝甲車- 講少少玄空嘢. 都係無嘢睇. (玄空講運程, 我麻麻地信)

我又斷估先, 今年立春八字顯示, 1948年生, 有糖尿病既富豪, 係嚟緊既甲子月及乙丑月, 有隻大鑊等緊佢孭. 睇吓撞唔得撞中.

天機化忌 – 專收叻人

sssmiles123 — Fri, 07 Nov 2008 15:47:58 +0800

又係佢呀, 呀峰仔. 真係唔想再講佢, 好似個市場無乜人好講. 我本來對佢都睇高d d , 比其他蛋散略好. 不過, 睇怕以後………. ……

11月2日, 睇某電視台晚上8點半既玄學節目. 呀峰仔話佢之前測今年8月8日, 10月8日或11月8日個股市會升, 頭兩個測既日子己經衰左. 唔之11月8號靈唔靈, 如果再唔靈. 就再睇到出年3月喎. 哎! 呀峰仔, 你知唔知自己錯係邊. 駛唔駛同你講解吓. (啱啱近排我睇得好少少) 你已經出嚟行左咁多年. 大把徒子徒孫, 唔明你以前點教嘢比佢地. 我諗你可能都係要再進修吓.

佢既雙數年話下半年會升. 唔知會係點升法. 係勁跌先至少少反彈, 咁係咪叫做升呢? 其實, 如果跌左咁多, 今個十月份約有7千多點, 唔反彈先至奇,奇,奇! 哈,佢又中啦. 戴番隻準d既錶啦.

諗吓啦, 佢既股市升跌周期偉大發現, 真係好搞笑. 唔通, 咁簡單既嘢, 果d數學家, 經濟學家, 睇圖專家都睇唔到咩? 有幾複雜呀. 香港普普通通既經紀, 小心硏究吓都會發現啦. 佢真係以為係大發現呀 ???!!! 今次, 真係領嘢喇. 信者瓜得!

最離普既就係佢話, 如果11月8日再唔升, 就睇出年3月. 吓? 有無諗過點解嫁?

我睇到呀飯小姐問佢 “呀師傅, 你睇市既準成度係點? 真係替佢抺一額汗!

佢又話04年8000點升上嚟, 唔係呀, 係03年4月既8332點開始升. 記清楚d料先啦.

呀峰仔話自己, 行緊貴人舒服運. 印制食傷呀, 食傷就係投資, 你話投資羸定輸喇? .

跟住, 又講香港匯豐前面對開有動土, 所以股價係咁跌. 咁,我想問, 隔離間渣打,點解跌得仲金過滙控. 由315跌到105, 66%有多. 而匯控, 由153跌到75,都係一半多d d. 有無查清楚架. 建設銀行股價都由9蚊左右跌到3蚊樓下.超過66個巴仙. 咁, 再問, 美歐都有大銀行出事, 係瓜左, 佢地前面有無動土呢? 用吓個腦諗吓啦.

呢個係世界性既問題. 講開又講, 好多人成日鬧政府領導人唔掂, 睇吓全世界,有幾多個領導人無問題架? 立春八字係三甲剋戊土喎.

許x光, 9月份係講台既 ’投資X世代’ 話, 10月2日股市開始升. 10月勁冧7千幾點呀, 老友! 你係點數浪架? 抑或又乜乜水星横行定直行呀? 第一代既香港波浪大師, ….

仲有好多老千大行瓜左, 米國大行既金融人才, 個個都唔講得笑. 5大投行咁就打柴, 都值啦. 滾左全世界咁多水. 唔瓜真係無天理. 最唔扺要其他人陪葬.

舊年, 有間行話1088神華會到102左右, 係咪傻架? 唔知果位老友之後有無食燉冬菇配炒魷拉麵.

今年天機化忌, 專收叻人, 真係咁應景! 好多財經分析師同埋風水,命理師都衰晒! 我個list 真係水蛇春咁長.

論2009年運程書 (三)

sssmiles123 — Thu, 30 Oct 2008 21:38:00 +0800

1 水東流 – 佢講09年八字五行齊備, 因為水旺木漂, 所以財唔旺. 我就睇水唔旺, 木都唔會漂.

2 老麥 – 呀老麥講既八字, 我覺得佢係較為詳細既一個, 幾有條理. 至於, 講到中國台灣係09年統一. 我仲未睇到. 失禮晒! 等我諗諗先.

3 成成 – 佢寫既真係好多嘢. 都幾服佢架. 老實講, 要花好多時間寫多項預測, 係要有d吉屎先至敢寫. 支票唔係隨便可以開. 仲講咁多瓣. 雖然佢無點講解09年既立春八字. 我比個勤力同埋勇氣奬過佢. 咁多嘢, 測中一半, 你都好好嘢.

渾天寶鑑, 係咪七政四餘或天星學果味嘢? 佢所測既, 今年重點係 “大逃亡, 大撤退”

4 鬼漫鐵餅師 –大師話, 農曆三六九及十二月, 個股市會唔掂. 簡單d嚟講, 即係土克子水傷官,無得生財.

5 關人隱仕 – 七殺旺有爭執. 辛苦財. 幾行字搞掂. 講得好少嘢.

6 玩水晶既恩恩 – 佢話木旺土崩. 我諗唔係卦. 一碌木對人地三塊土, 土仲有火嚟生, 你居然話木旺土崩. 點都唔贊成. 好多人都以為月令係大晒既, d大師呀,古書呀都係咁講. 我唔贊同囉. 你地話, 呀爺大定係呀爸大喇.

佢又講左殺印相生既嘢, 09年八字係先殺後印, 先有難後有救, 相當清楚. 啱啱呢兩日, 呀溫總出聲話會撑香港. 真係香港唔駛驚,呀爺係大廳!

另外, 今年既預測, 佢測左好多都係我想測既嘢. (韜吓光先) 到目前為止, 我最buy佢, 得閒你地可以睇睇p3-p5既預測. 哈哈,我係咪可以唔駛再測? 唔係, 我個叮噹百寶袋仲有好多嘢未摷出嚟.

7 幾代祖傳既胡蘇堂 – 佢既嘢, 好有創意, 包保年年啱啱用. 過多幾年, 攞番出嚟都一樣用得番. 真係永久保用架.

每年既運程書, 梗有d大師話會旺乜嘢五行既姓氏之類. 佢地好多都話今年08年, 係旺木姓, 土姓, 唔利金姓. 我真係比佢地笑到碌地. 邊樣五行多就旺邊樣. 乜咁似呀小明既補五行大法, 瓜晒啦. 睇吓今年庚申,辛西月既世界係點?

今年木係最旺, 不過弊傢伙既就最多, 睇吓美林, 雷曼, 榮x健, 東亞銀行, ……

今年08年旺木姓人喎? 你信唔信.

禽日係街睇到don’t周刊270期32頁, 睇到呀 ’養命’ 其中有一項, 話出年09年會有d有財勢既人自殺, 照我嚟睇, 己經發生緊, 今年年尾甲子乙丑月情況更差, 到時真係幾麻煩. 希望睇錯 (睇吓今日30號既新聞, 有超級富豪炒輸外匯100億, I’ll Kill You Later –立春既八字有暗示啦)

鬼哭神號

sssmiles123 — Mon, 27 Oct 2008 20:28:19 +0800

上個禮拜五同埋今日27號恒指爆挫12.7%-1602點, 個市真係嚇到你死, 1142+1602=2744, 兩日差唔多2800點. 今年既10月份, 大約跌左7000點. 真係鬼哭神號. 得人驚!先前我用波浪理論數浪計數, 恒指應跌到04年5月17日既10918點二浪底以上. 衣家係咁跌. 如果再跌深d, 低過10918既話, 我就要再從新數過浪. 11000點係我之前睇既最低位, keep左好耐, (refer 一流分析員). 睇怕要認衰, 因為今日曾經都跌到10676. 如果再跌, 下個位可能係03年既起步點8332. 希望真係唔好嚟. (今次, 我要再從新學過嘢. )

以下我只係同一個人講過. (1-2個月前)

我曾經分析過, 如果全世界有朝一日乜都跌既話, 即係話大蕭條會嚟.

當時係諗如果乜都跌,包括期,股,匯,油,金…..,只係大約會係兩星期. 咁, 兩星期既話, 即係只係衰退啫, 唔係蕭條. 依家係美元, 日元升, 唔係全部跌. 都可能係比我預測中好少少, 只係好少少. 起碼美元無跌, 人民幣輕微回調, 仲未做成黑洞式惡性循環. 仍在觀察中. 金融既嘢, 一樣嘢變, 其它就即時又要再諗. (依家都己經好衰啦.)

相對匯市, 股市只係小兒科. 匯市既波動, 隨時做瓜一d財政不穩既國家. 真真無眼睇喇.

08年立春八字

戊子年, 甲寅月, 甲戍月, 甲戍時

戊係土, 方向係中間; 戊又主信, 戊土又係偏財即財富, 咁啱, 咪中信x富. 個x字點睇呢? 唔該幫幫忙睇吓. (呢個好早就睇到, 不過, 未發生之前, 梗係唔敢講啦. 想死咩. 哈, 又認叻) 咁, 佢既命運,之後會係點? 同 "我都係估估吓" 一文裏面既第3條答案係咪好似呢?

問題

sssmiles123 — Mon, 27 Oct 2008 20:17:01 +0800

1 係x量先生出版既一本八字小書 ”點算八字子祿” page 11, 見到曾特首既八字如下:-

甲申年,癸西月.甲辰日,辛未時

作者話 “甲生西月, 失令, 失地; 天干一印一比, 得勢, 正格身弱. 天干三喜透出, 辛官根強, 申癸辰拱暗印局, 喜神強官生印, 是權貴命.” 另外, 同一版紫微斗數既盤係紫微天府坐寅官.

既然呢個命係身弱用印, 點解斗數既盤有咁強既命宮嫁, 三方四正都係唔少嘢? 唔明? 而主人翁既性格, 據聞一向都好猛,做嘢急快, 係咪真係似身弱個性呢? 邊樣啱? 係咪兩種術數唔可以相通呢?

2 有大師話, 今年玄空大運八運入中, 一白流年又入中, 一白貪狼木剋八運土, 所以有地震. 同埋經濟唔好,都係因為木剋土咁講, 因為土係地產. 所以全世界都唔掂. 乜唔係1,6,8都係財星咩? 咁出年, 九紫火生土, 會唔會係經濟好暢旺架? 但願如此. (乜一白唔係屬水既咩? )

3 又有大師話, 舊年五黃飛到南方, 所以南方有地震. 咁出年五黃飛到北方唔知又係米有地震呢?

4 今年貪狼化祿, 如再遇上火鈴之類既星, 就會有火貪格, 鈴貪格既格局. 係咪應該會有好多人暴發呢? 個股市, 或經濟, 或某個行業會横發得好犀利先至啱? 不過, 事實係點睇都唔似. 反而係, 逢丙年天同化祿, 丁年太陰化祿既年份, 股市就砰砰聲係咁升. 望吓96,97年係咁, 06,07年都係咁? 而98年同埋今年08年, 貪狼化祿個市就大冧, 唔明? 乜貪狼祿唔係最有機暴發既咩? (斗數理論中, 殺破狼有横發横破性質, 而天同太陰就相對係較溫和既星系)

論2009年運程書 (二)

sssmiles123 — Sat, 18 Oct 2008 14:11:20 +0800

老點居士 :- 格局優良,五行齊全.佢寫既嘢,我真係睇到有d暈,好似睇緊黑澤明部戲 - “亂”. 唔知佢跟邊個學,最好再進修吓.佢講到出年香港好.好.好. Good Luck!

又名財可通既情情 :- 佢話己丑年,係比肩爭財年. 咁就講晒啦.佢寫財經書就好d,不過d術數書就麻麻. 尤其係早幾個月出既姓名學,好渣.佢同呀成成果本書差幾條街.

老同派 : 己丑都係比肩爭財,丑為濕土. 佢同亞情情,仲有呀硬鋤北,都係只用年干支嚟討論出年運勢,有無咁簡單呀. 八字又唔係唔識. 點解唔用你既鐵餅數嚟測吓睇睇.

肥佬德: 佢話印旺,殺旺,同埋暗旺財.咁身旺唔旺呢? 雖然有土印,不過日主庚金無根喎! 如果係暗旺財,咁寅財露天干,即係甲戍月既甲木出頭啦.我就無眼睇.甲木助丙火及甲去剋合己土,兩丙火會剋金,死晒火啦. 而由紫斗嚟睇,甲月係太陽化忌,命宮坐巨日係寅宮,你地點睇呢?

你老公 : 佢都係有話七殺旺,同亞肥佬德都講殺印相生,係貴格嚟.

殺印相生既組合睇法,

強殺生強印; 強殺生弱印; 弱殺生強印; 弱殺生弱印

仲月日元強弱呢,次序呢,如先殺後印定係先印後殺等等……

即係話 – 日元, 七殺, 正印, 偏印, 次序 = 2x2x2x2x2=32,有32個組合,仲有5行及陰陽屬性,就咁講都鬼咁煩.

有件嘢,佢講中我個心擔心既事,就係打仗. 呀成成有講少少,佢又有講,不過佢就講多d,所以我而家先至講, 個腦係到run左一部份,希望盡量諗得細緻d. (好想寫得詳細,不過驚比人話我烏鴉口,不如馬後炮,事後誇啦啦用命理解釋) 2008年餘下時間預測 (老實講,希望睇錯,寜願比人話屎波)

由依家開始,個市同經濟都係無眼睇咯,

1 有好多公司冧,甚至會有國家冧,高峰期會係甲子月同埋乙丑月.

2 今年,信心危機仍未搞掂

3 再有大地震

4 出年年頭,失業率會急急急升 (咁淺,唔駛測,都估到啦)

家和萬事興,希望政府,議員,同埋市民一齊同心同德啦. 邊個啱都好,坐低飲啖茶食個飽,斟斟佢. 意氣之爭盞攬住死!

美國甘迺迪總統講個,唔好問政府比到咩嘢你,而係問你比到咩嘢政府.