獅王跣脚, 唔覺意撞到個下巴. 俾人狂質.

今年既流年, 真係唔係幾好. 因為自己唔想寫咁多負面嘢. 個blog經常無新料到.

獅王真係要多謝全香港既人, 好多人撐佢. 祝佢大吉啦. 我呢兩日有靈感價, 獅王股價係………(估吓啦, 謎題係- 英文字母)

克林頓做總統, 米國有錢剩. 亞薯仔一做總統, 就衰到無人有.

格林斯潘當政, 財經中人個個信佢, 白藍黑一上任, 時時慢幾拍, 又係無運行.

龐約翰一日仲係匯控大班, 匯控仲係無事. 一到葛林就任. 匯控一落千丈.

個人嚟睇, 骨主貴, 肉主富, 睇吓葛林一條藤咁. 佢初初上任, 我就唔鍾意. 仲有, 佢之前好似係做牧師. 印星較重. 又唔係紅褲仔出身 我真係唔知佢有幾勁. 聽埋佢對業績既講解, 唔掂, 喂, 炒魷啦.

諗諗吓, 奧巴馬雖然口才一流, 不過, 佢同呀薯仔, 財長蓋特立都唔係富泰樣. 米國佬真係………..有排捱.

特區政府既任志剛可能就快唔撈. 據聞係塵地淋會接上 (個名好難聽, 心到手到,多多得罪, 莫怪). 我睇見佢就唔舒服喇! 有d嘢, 真係唔好亂咁郁. 等吓環境好d先啦. (個人好蠢既諗法)