09年立春八字, 己丑年, 丙寅月, 庚辰日, 丙子時
最初睇呢個八字, 兩丙夾庚, 個腦就即刻彈左句嘢出嚟 –“恐怖大王從天而降”. 呢句嘢, 係我好耐以前睇書見過, 係法國大預言家諾氏既 ”諸世紀” 果度嚟既. 我一向睇八字, 都係首先搵重點, 同埋用直覺去feel吓.
估唔到, 近日就有好幾單嘢, 都好有戰爭陣火藥味.
1 印度既孟買受恐襲 (依家印度同巴基斯坦, 兩國邊境各自佈防, 巴基斯坦少少地, 擺左2萬件蛋散, 希望唔好亂咁放核彈); 啱啱好似話巴基斯坦領左嘢.2 加沙比以色列狂轟. (剛剛半年既停火協議結束, 就打餐勁)
3 斯里蘭卡比泰米爾游擊隊偷襲 (果頭啱啱好似話停火)
4 俄羅斯同烏克蘭供氣出問題, 唔之會唔會講手. 之前, 俄羅斯同格老吉亞講左手嚟.
5中國宣佈今年係提升國防軍備年.
09年既經濟, 相信無08年咁差. 係舊既文章約略講過吓, 我會擔心另一個問題, 無錯喇, 就係 -- 戰爭.
日主庚受月時兩丙火夾擊. 丙火係七殺. 命理有話, 有殺先論殺. 今次仲兩件一齊嚟. 死未. 其間, 我仲估緊係邊個家或城市? 好難估, 用八字測城市, 對我嚟講, 係非常困難. 估到係十萬個好彩. 依家既蹟象, 頭4件似係好大雞會…. ???
今個月係甲子月, 甲木生出年09年既丙火, 火係代表戰爭. 所以今個月, 就蠢蠢欲動. (喂, 出年既丙火仲未浦頭喎 ???)
斷估乙丑月會停一停, 出年年頭又再玩過. 由09年既八字斷估: -
1有國家自己唔出招, 搵馬仔出招隊人地. 黑手國家係周圍掠水.
2 出動到火箭炮或導彈之類. (又慢左, 己經出左啦), 甚至生化武器都亮下相.
3 黑手年中既時候, 會被其他國家郁.
4 拉燈今年又見報啦.
5 …………..
留番比其它有創意既人發揮吓 ………..
係咪好有想像力呢. 估吓嫁炸, 咪咁認真.
哈馬斯既馬斯, 英文係Mars, 即係火星, 又係戰爭既意思.
七政四餘同埋天星學既大師. 睇世界運程應該係最 ”近”. 唔好笑我水皮.早前印尼發生過7級以上地震. 1月4日, 印尼又有地震7.6級. 唔, 兩,次喇. 希望唔好再有. 不過, 今年仍未完. (早排再估甲子乙丑月仍有大地震.)
今個月, 好多示威. 啱啱以色列事件, 搞到多個國家都有示威. (估到個象, 估唔到咩嘢事, 只怪自己太求其, 同埋懶諗嘢, 要檢討吓.)
