呢一排既熱門話題, 梗係講呀寶琪同柴九啦. 呀鄧萃雯好戲就唔駛講. 依家只係講吓呀祥仔.
黎耀祥, 係實力派果隻. 我一早就鍾意睇佢做既戲. 佢既成名作, 就係-齊天大聖-裏頭既 “朱八戒”. 呢套戲佢同呀老孫張偉健, 我都係好鍾意. 老孫既 “Yo,駛乜驚呀”, 同埋老朱既 “多情自古空餘恨” …….. 好似仲係眼前咁…..
呀祥仔既戲, 深刻既有 ”齊天大聖”, “楚漢驕雄”, “鐵血保鏢”, “射鵰英雄傳”, “強劍”, 同埋衣家播緊既 “巾幗梟雄”. // 仲有 ”余家聲”呢個角色都好 - 掂!
前年既 ”強劍”, 佢演既東方無崖, 我係好希望佢攞奬, 點知無份. 不過, 果陣時都feel唔到陣”除”. 舊年, 佢終于都攞到喇, 真係好戥佢高興, 實至名歸.
“武曲星, 行動第一, 短慮不顧後果, 慳吝, 正直….
“武曲守命, 文作監司身顯達, 武臣勇猛鎮邊疆”
….
呀柴九既性格, 我覺得真係同武曲星幾似架. 09年既舊曆三月戊辰,四月己巳月, 啱啱又係貪狼,武曲化祿相繼而嚟. (武曲同貪狼好容易埋到堆) 今個月己巳月(又係己丑年), 雙武曲化祿一齊嚟, 所以套劇真係爆到九彩. 咁, 呀祥仔會唔會攞埋個視帝呢?
據聞呀柴九啱啱45歳生日, 斷估係64甲辰年出世. 武曲同貪狼在四庫地, 容易有武貪格走出嚟. 火鈴唔知有無會照到呢? 照古書講, “武貪不發少年人”. 衣家佢45, 差唔多喇卦.近排既豬流感, 我睇到有d大師話：－
１甲大師: - 舊年08年五黃飛到南方, 所以中國有四川大地震, 今年09年五黃飛到北方, 所以有變種流感. 北方係指邊個地方或國家呢 ? 咁,出年2010年五黃到西北, 唔知會點呢?2 乙大師:-09年, 七赤飛到東面, 而八運六白到東方, 所以六七交劍煞, 金旺不利木, 木係美國, 金主肺. 所以美國有變種流感. 咁, 再9年之後, 仍然係六七交劍煞係東方, 係米都有流感架? 係米再變種個款?
3 丙大師: - 因為今年流年八字利醫生既生意, 所以容易有病災之類既事發生 (反推高手)
哈哈, 以上解釋, 我真係唔明 !!!???
