係舊年12月21日, post上網提過吓 (refer風雲十二日) , 最快丙寅月會有變種流感. 之前個人心諗, 應該係丁卯月先至最合理. 查一查, 原來真係 (丁卯月) 3月18日, 墨西哥已開始發生第一單. 雖然又被我既烏鴉口撞中, 不過, 一d都唔開心. 最驚既係死得人多. 阿門! 阿彌陀佛! 之後又點?
認完叻, 又要認吓低威. 之前係 “獅王謎題 –英文字母” UP過, 丁卯月個股市會勁跌, 點之錯到 ”仆街”啦. 跌左一日之後, 就升左4千7百點. (“仆街” 一詞, 有好多好專業既文化人話只係較為俗既話嚟嫁炸, 笨唔係粗口, 呢班仆街真係叻. )
Sorry, 我晨咁早叫你地咪亂跟. 其實, 個市一唔妥, 或者唔係同我腦諗既方向一樣, 唔理3721, 我就一定叫停. 然後再檢討. 個市我諗唔明, 請指正吓.
同一篇 “風雲十二日”, 又有預測雷曼事件, 最快要明年第一季有著落, 最多可取回四份一. (靈感), 呢鑊又衰埋, 唔, 係時候要收山.
至於亞視, 我又講過09年會有新股東, 而且係大個隻. 答案係, 舊年丑月就發生, 睇番吓舊文章, 新老細既料都差唔多講左出嚟. 不過鬼揞眼, 睇唔到. 依家就幾清楚. 丑年未完, 睇吓呀旺旺老細, 會唔會真係做亞視既大股東.
近期發覺自己, 好似江郎才盡, 倒吊都無乜墨水, 所以好耐無貨出, 死啦, 會唔會好似倪匡先生話齋, 作嘢既quota差唔多喇.
