1 水東流 – 佢講09年八字五行齊備, 因為水旺木漂, 所以財唔旺. 我就睇水唔旺, 木都唔會漂.

2 老麥 – 呀老麥講既八字, 我覺得佢係較為詳細既一個, 幾有條理. 至於, 講到中國台灣係09年統一. 我仲未睇到. 失禮晒! 等我諗諗先.  

3 成成 – 佢寫既真係好多嘢. 都幾服佢架. 老實講, 要花好多時間寫多項預測, 係要有d吉屎先至敢寫. 支票唔係隨便可以開. 仲講咁多瓣. 雖然佢無點講解09年既立春八字. 我比個勤力同埋勇氣奬過佢. 咁多嘢, 測中一半, 你都好好嘢.

渾天寶鑑, 係咪七政四餘或天星學果味嘢? 佢所測既, 今年重點係 “大逃亡, 大撤退”

4 鬼漫鐵餅師 –大師話, 農曆三六九及十二月, 個股市會唔掂. 簡單d嚟講, 即係土克子水傷官,無得生財. 

5 關人隱仕 – 七殺旺有爭執. 辛苦財. 幾行字搞掂. 講得好少嘢.  

6 玩水晶既恩恩 – 佢話木旺土崩. 我諗唔係卦. 一碌木對人地三塊土, 土仲有火嚟生, 你居然話木旺土崩. 點都唔贊成. 好多人都以為月令係大晒既, d大師呀,古書呀都係咁講. 我唔贊同囉. 你地話, 呀爺大定係呀爸大喇.

佢又講左殺印相生既嘢, 09年八字係先殺後印, 先有難後有救, 相當清楚. 啱啱呢兩日, 呀溫總出聲話會撑香港. 真係香港唔駛驚,呀爺係大廳!

7 幾代祖傳既胡蘇堂 – 佢既嘢, 好有創意, 包保年年啱啱用. 過多幾年, 攞番出嚟都一樣用得番. 真係永久保用架.

每年既運程書, 梗有d大師話會旺乜嘢五行既姓氏之類. 佢地好多都話今年08年, 係旺木姓, 土姓, 唔利金姓. 我真係比佢地笑到碌地. 邊樣五行多就旺邊樣.         乜咁似呀小明既補五行大法, 瓜晒啦.  睇吓今年庚申,辛西月既世界係點?

今年08年旺木姓人喎? 你信唔信.          

禽日係街睇到don’t周刊270期32頁, 睇到呀 ’養命’ 其中有一項, 話出年09年會有d有財勢既人自殺, 照我嚟睇, 己經發生緊, 今年年尾甲子乙丑月情況更差, 到時真係幾麻煩. 希望睇錯 (睇吓今日30號既新聞, 有超級富豪炒輸外匯100億, I’ll Kill You Later –立春既八字有暗示啦)

以下我只係同一個人講過. (1-2個月前)

我曾經分析過, 如果全世界有朝一日乜都跌既話, 即係話大蕭條會嚟.

當時係諗如果乜都跌,包括期,股,匯,油,金…..,只係大約會係兩星期. 咁, 兩星期既話, 即係只係衰退啫, 唔係蕭條. 依家係美元, 日元升, 唔係全部跌. 都可能係比我預測中好少少, 只係好少少. 起碼美元無跌, 人民幣輕微回調, 仲未做成黑洞式惡性循環. 仍在觀察中. 金融既嘢, 一樣嘢變, 其它就即時又要再諗. (依家都己經好衰啦.)

08年立春八字

戊子年, 甲寅月, 甲戍月, 甲戍時

戊係土, 方向係中間; 戊又主信, 戊土又係偏財即財富, 咁啱, 咪中信x富. 個x字點睇呢? 唔該幫幫忙睇吓. (呢個好早就睇到, 不過, 未發生之前, 梗係唔敢講啦. 想死咩. 哈, 又認叻) 咁, 佢既命運,之後會係點? 同 "我都係估估吓" 一文裏面既第3條答案係咪好似呢?

1 係x量先生出版既一本八字小書 ”點算八字子祿” page 11, 見到曾特首既八字如下:-

甲申年,癸西月.甲辰日,辛未時

作者話 “甲生西月, 失令, 失地; 天干一印一比, 得勢, 正格身弱. 天干三喜透出, 辛官根強, 申癸辰拱暗印局, 喜神強官生印, 是權貴命.” 另外, 同一版紫微斗數既盤係紫微天府坐寅官.

既然呢個命係身弱用印, 點解斗數既盤有咁強既命宮嫁, 三方四正都係唔少嘢? 唔明? 而主人翁既性格, 據聞一向都好猛,做嘢急快, 係咪真係似身弱個性呢? 邊樣啱? 係咪兩種術數唔可以相通呢?

2 有大師話, 今年玄空大運八運入中, 一白流年又入中, 一白貪狼木剋八運土, 所以有地震. 同埋經濟唔好,都係因為木剋土咁講, 因為土係地產. 所以全世界都唔掂. 乜唔係1,6,8都係財星咩? 咁出年, 九紫火生土, 會唔會係經濟好暢旺架? 但願如此. (乜一白唔係屬水既咩? )

3 又有大師話, 舊年五黃飛到南方, 所以南方有地震. 咁出年五黃飛到北方唔知又係米有地震呢?

4 今年貪狼化祿, 如再遇上火鈴之類既星, 就會有火貪格, 鈴貪格既格局. 係咪應該會有好多人暴發呢? 個股市, 或經濟, 或某個行業會横發得好犀利先至啱? 不過, 事實係點睇都唔似. 反而係, 逢丙年天同化祿, 丁年太陰化祿既年份, 股市就砰砰聲係咁升. 望吓96,97年係咁, 06,07年都係咁? 而98年同埋今年08年, 貪狼化祿個市就大冧, 唔明? 乜貪狼祿唔係最有機暴發既咩? (斗數理論中, 殺破狼有横發横破性質, 而天同太陰就相對係較溫和既星系)

老點居士 :- 格局優良,五行齊全.佢寫既嘢,我真係睇到有d暈,好似睇緊黑澤明部戲 - “亂”. 唔知佢跟邊個學,最好再進修吓.佢講到出年香港好.好.好. Good Luck!

老同派 : 己丑都係比肩爭財,丑為濕土. 佢同亞情情,仲有呀硬鋤北,都係只用年干支嚟討論出年運勢,有無咁簡單呀. 八字又唔係唔識. 點解唔用你既鐵餅數嚟測吓睇睇.

肥佬德: 佢話印旺,殺旺,同埋暗旺財.咁身旺唔旺呢? 雖然有土印,不過日主庚金無根喎! 如果係暗旺財,咁寅財露天干,即係甲戍月既甲木出頭啦.我就無眼睇.甲木助丙火及甲去剋合己土,兩丙火會剋金,死晒火啦. 而由紫斗嚟睇,甲月係太陽化忌,命宮坐巨日係寅宮,你地點睇呢?

你老公 : 佢都係有話七殺旺,同亞肥佬德都講殺印相生,係貴格嚟.

殺印相生既組合睇法,

強殺生強印; 強殺生弱印; 弱殺生強印; 弱殺生弱印

仲月日元強弱呢,次序呢,如先殺後印定係先印後殺等等……

即係話 – 日元, 七殺, 正印, 偏印, 次序 = 2x2x2x2x2=32,有32個組合,仲有5行及陰陽屬性,就咁講都鬼咁煩.

由依家開始,個市同經濟都係無眼睇咯,

2 今年,信心危機仍未搞掂

3 再有大地震

4 出年年頭,失業率會急急急升 (咁淺,唔駛測,都估到啦)

家和萬事興,希望政府,議員,同埋市民一齊同心同德啦. 邊個啱都好,坐低飲啖茶食個飽,斟斟佢. 意氣之爭盞攬住死!

以前初學命理術數,成日係到算.事無大小都試吓計. 依家就唔係,好多時都係用感覺去感受吓,或者用分析力嚟睇,一層層去分析,都好有用.

早排睇電視,見到一個Vidal Sassoon既廣告,有個著住藍色裙子跳舞既女仔,一睇,我覺得佢係好跳得既人 (感覺好強烈,只係映左2-3秒,我係跳舞白痴,亦都唔識個女仔),好想知佢係邊個. 之後無幾耐,又播另一個version,今次係著紅色裙. 啊,個名係”安室內美惠),我都係唔識佢. 原來佢係日本好紅既歌手. 要讚吓自己既眼光喇. (感覺)

(邏輯分析) 係早兩個月或更早,當時好多外幣都仲升緊,我就同人講,遲d個市只係美金升,其它嘢包括外匯,油價,股市及金市全部都會冧, 人民幤可能少少調整,不過無大礙. 當時同人講左之後2-3星期,就係收音機聽到有位分析員話,個市唔知點睇,好似乜都跌緊……

睇吓衣家恒指個市14800左右,金價約780,油價約70,歐羅,澳紐乜都跌…… (有好些專家認為黃金會係避難所,會升到1500 - 2000蚊都唔出奇.我唔認同,上星期仲係860左右………,會見幾多,依家未有感覺,亦都好耐無睇黃金既走勢圖.不過,有人話係好長線嚟睇就另計)

今年年頭,曾經卜卦奧巴馬同希拉莉邊個羸.我測佢地棋逢敵手,奧巴馬羸.卦象係今年年頭甲寅月乙亥日測, 天山遁變風雷益. (卜卦)  

呀養命話,希拉莉羸硬咁滯,真係咁滯.好想睇吓佢支卦. 會有可能既,如果呀奧巴馬比人暗殺,呀拜登又唔舒服,而臨時拉夫再比亞希拉莉上場,而咁啱又羸左呀老麥.都有可能架. (個人嚟講,雖然同我支卦有出入,一直睇好希拉莉,但係聽完佢辯論之後,個感覺同分析都唔認同)

言歸正傳,咁,奧巴馬同呀老麥比會係點? 我本來兩個都麻麻,不過覺得奧巴馬愈嚟愈有壓台感.我買佢羸. 而呀佩林初初出場既時候,好有眼前一亮feel . 唔,一講嘢,就露底,得個売. 佢同呀老麥都係無料到既材料 唔駛睇喇. 但係情緒既嘢好難講,唔之米國佬會點揀.我揀呀奧巴馬win win. (感覺-同-邏輯分析)

以前電視播一擲千金,睇過一位做法事既師父,金額去到40零萬.佢都未心足,以為自己仲可以攞多d,結果係 ------ 100大元.佢講左一句話之後,我就話句一定衰,就係佢話,得個40零萬可以做d乜? 哈哈,老天爺見到你咁大貪同埋咁吋,點會比你呀,米發夢啦. (感覺)

(以下既嘢,純屬個人創作,絶無版權,歡迎抄襲)

今日忽聞立髮局,有惡犬横行,識掟蕉示威.奇聞! 惡犬好嘢!

惡犬流傳八字如下 : 辛卯年,丁酉月,甲戍日

年月相沖,衝動派掌門人,當之無愧. 丁火傷官克辛,酉金官,真係傷官見官,唔之係咪遺禍百端喇.

亞惡犬曾經話呀老曾智慧低,佢真係講得啱,自己掟完隻蕉,咁就同呀光頭仔一齊走人,唔駛聽悶嘢,實行去唱k都得,6皮嘢,真係好袋. 真真聰明絶頂.

亞惡犬咁勁,連台灣文化都帶埋嚟香港,遲d唔知會唔有推手既嘢睇,或者硬橋硬馬既洪拳都得. 炸彈就唔好啦. 下次唔好咁快走,做戲都要做耐d,要同番d損民交代架麻,真頂癮!

唔知佢掟蕉之前,有無先祈禱,叫自己掟得準d,勁d.呀惡犬 “你果一掟,真係對你好失望,無力度,無角度.掟既姿勢又唔夠型仔. “(下次記得入定多d貨)

今次既掟蕉事件,必成為歷史佳話.係教會,等廣大既兄弟姊妹學吓嘢,個牧師講到無文路,就掟佢;講得唔生動,再掟,講   ……,仲之,唔理好唔好,都照掟,自由大晒,好嘢.

另外,對於係學校既莘莘學子,都係一個榜樣,老師講得悶,依家唔打機,唔睇馬經喇,掟蕉啦.總之有唔順呀,就掟蕉啦.哈,幾時會諗到學生都可以咁威架.校長都無面比.

至於呀老曾,第日開大會既時候,記得帶番個籮,人地掟幾多,你就收幾多.唔好晒.

近期既金融海嘯,令我回想起以前既98金融風暴 (Camera! 開始投入情境…..)

記得果陣時,個市升到癲,特別係隻北京控股,搞到好多人個心囉囉攣. 之後,呀食羅絲開始郁泰國.跟住有印尼,星嘉坡………..,好多國家都被人逐一擊破,打到最後嚟到香港. 金融大戰一觸即發. (嘩,好多畫面)

 在98年以前,我一向都係睇爛果報同埋dup周刊.開頭佢地係度攻擊特區政府同埋任志剛,因為呀董唔係好得人心.我都覺得係好順理成章. 但係,之後發覺佢地一路係咁狂揷政府,個市就一路跌,都幾得人驚.由97年16800點跌到98年8月既6544點.(d盤互隊到飛起,打爆機咁滯,爆到去999啦) ,(吓,百富勤冧左! )

果陣時,係公司,我地同事都有講吓個市,我既意見係政府要救市,否則個市跌到3-4千點都得. 大把人跳樓都唔奇. (我唔識財經,只係用常理諗) 人地大鱷擺明係攞你命.點解唔還拖!  

當睇到本泥水英既dup周刊,一期一期係咁隊政府,睇到我覺得好唔妥. 後來,先知到,老虎基金羅白辰有份入股泥水英既阻丹佬. 根據資料,當時政府係想用500 億出招,點知就要用突到1200億.點解呢? 好簡單,有一班人,為左賺錢,以為特區政府財技無料到,大鱷必勝,齊齊沽空港股. 泥水英,百份百係個投機者. (之後,我冇買爛果報,直到依家..don’t恾同埋日頭都係咁衰) 泥水英,你有無一路踩,一路狂沽空呀.你同天主講啦.記得回番d水出嚟噃.真係扺你發. (仲有其他既老友,贏左最好都捐番d d出嚟) 

仲有另一件,美注明, 98年就猛鬧政府干預市場經濟,唔應該入市.呢d連經濟係乜都未識既人,都咁有真知焯見,特區政府真係要多謝佢. 呀注明,唔該你去教訓班美國佬點做喇. 不往以前對你既印象都唔錯,03,04年,我都有份去遊行,04年亦都有投你既票. 之後,發覺你地班爛民派,離譜左.依家,又有好多無d經濟常識既人走出嚟. 係咁先,我支持你地唔住. (又諗起佢個當時講嘢情況)

今年既中國奧運,美注明己經變成一條攪屎棍出嚟搞搞震,替你可惜,連諾貝爾和平奬提名都無.

大戰之前,我曾經預測,舊曆八月政府會出招反擊.因為食羅絲同埋老虎基金,都係屬木,而果個月係庚申月,任志剛同埋曾蔭權個名都係帶金,金會嚟剋木,所以就咁樣推斷.

啱啱寫完,可以收工.(刪左個螢光幕先)  BYE.

2008年立春八字,超強甲木剋戊土. 戊土主信,信心,信譽,同時戊土又係表示地產.咁即係話地產同埋信心都會瓜.睇吓依家個世界…….

戊土被克,就唔能夠生五行金,金代表金融,凍過冰.

人真係要有自知之明. 夾硬比你坐到高位,會死得仲慘.

呀格佬係炒家心態做嘢,一有風吹草動,就預早出嚟暗示吓.個市場就會跟住佢行. 依家,係個市場逼呀伯藍黑跟住行.有時被人逼都唔會行,你話喇,d投資大佬點會唔興到辣鷄.信你不如信自己.於是,個個都係不同既市場套現.包括,股市,匯市,期貨,油市,遲d可能連金市都保唔到.

米國出左一個敗家仔呀殊殊,一個超級慢呔蛇呀黑黑,唔死真係先至奇! 最弊就係要其他人都陪佢死. 呢單嘢,係米國,同好多人都有關,包括如下 : --

後市就真係仲有得驚,唔係好想講.好似落井下石咁.

只係個人既睇法.睇吓就算. 睇怕經濟問題到明年首季先至好d d. 點解?

戊土要火生及通關,明年首季丙寅月有火,會好d.不過,明年立春既八字又衍生出另一個問題. 唔,要收爹喇.認真諗吓先. 宜家既經濟係好複雜.有期,股,匯,油,金,利率,政治………,一個問題,係唔可以獨立嚟睇.一有改變,見解即刻要變.好難講.幾乎分分鐘唔同.

隻金融巨獸殺埋身,信心超人呀! 你幾時出嚟救命呀!

預測既嘢,發生既事係好事,如果測中,梗係好啦.如果唔係好嘢,都係少講好d.好多人唔鍾意聽,因為中又死,會比人話係烏鴉口,唔中又死,會比人笑係屎波.

以下係我測中既少少嘢,唔中既多到講唔晒.

2003年,沙士為禍. 當年,我曾預測沙土係有4種病毒,好彩 -中左. (果陣時,第一種既病毒都仲未搵到) 之後,見到菓子貍,我就話呢件嘢就係根源.結果又中. 再預測5,6月病毒會減少,7月無事.哈哈,咁翹又啱. 我仲同人講,有d命格係會免疫既. 

同年,有師父測梅艷芳一定無事,我就同人講,過左舊曆十一月先至講啦.紫斗羊陀夾貪狼忌命宮坐子.大運命宮乙卯,子水為為子女宮.03年,羊陀夾貪狼忌打孖一齊嚟.真係幾大鑊.終於死於子宮頸癌.不幸,又中. 我都幾鍾意睇呀梅姐架.果陣時,都好難過. 至於,張國榮既死,就無測到. 

有一年,我測到自己外公差唔多喇. 就無喇喇同老媽子講話好想返大陸,見吓外公.我係十幾廿年都未見過外公.老媽子以前叫過我好多次,我都唔肯上去.今次係自動自覺既.今次上左去之後,外公幾個月後就唔係到. 老媽子仲話我好彩,咁啱咁翹可以係外公在生時見到佢.

另一個都係親人嚟.06年,我就估佢會出事,哎 …….之後又上天堂報到.

以下既例子,我用田北辰名字測佢06年運程

“2005年9/24測田北辰,先好後差,職位有變動.下屬所誤”,結果,06年3月大件事.九鐵風雲上畫.

樓下既嘢,全都係用直覺測出來

大約早兩年,見到鍾嘉欣,做緊套劇 “人生馬戲團”. 當時我吾係幾識佢. 我就話佢會紅. 之後,年底台慶,佢攞左個飛躍獎之類.

早1個月左右,睇左澳門小姐選舉,第一眼我揀左5號,不過,佢攞左第2名,第1名係8號.全部參選人,只係一個我可以揀得出手. (唔知係咪又係出千,你地有無睇到?) 

2-3個月前,睇左明珠台既American Got Talent, 好早就揀左玩布公仔唱歌既Fator Tailor會贏,結果,好在都無跌眼鏡.

呢篇嘢,我都諗過好唔好寫,好似好認叻咁. 唔諗咁多,挑起左條根,寫左先至算.

講多樣,油價會跌到約50蚊.(靈感啱啱到)

上次講到用左好多心機同時間寫既 “大師的批章” 得出既結果,都係無乜人睇,當時都幾失望. 依家,就無咁大感覺,自己做左咪得囉.未必人人都會欣賞你架麻.

其實,自己都要檢討吓,我所寫既嘢,無放埋個紫微斗數盤落去,未必人地會明,人地睇亦都好唔方便.都要怪吓自己唔細心. 不過,以後都會作仍然係咁做,明既會明.唔明既,你比埋個盤佢都未必明. Sorry啦.

另外,好似 “特異功能人”,係網上搵到李x軍既偉論之後,就開始摷資料. 馬英九既八字,係羅x既小本八字專書到搵到. 當然,搵到之後,我又要係網上再摷馬英九既個人資料,過往歷史等,同時又起埋個紫斗盤,跟住慢慢印証,覺得都幾ok,先至post上網. 又要諗吓先後次序,用命理,相理同埋常理,一層一層寫.又係花時間既作品.都係無乜人吼.哈哈.

自已既blog,希望多d新嘢,同埋獨立作品,唔仲意抄人嘢.口水尾,好難啃! 就算寫舊料,都希望可以用另類角度嚟睇. 呢個blog,亦想係純命理術數既嘢,唔想溝埋其它料. 之前,破例有一篇講財經界既 “一流分析員”

“生肖運程求其UP”上下篇, 雖然都係無乜特別,我已經盡量簡易d,同埋有創意d.呢篇嘢本來仲有中篇,後來又刪左.果篇有好新好新既嘢.收埋先. (哈,又叻唔切)

到依家,手頭上,

術數中人仲可以寫十幾廿篇(呢個最少既估計),唔之仲好唔好寫.出街真係要幪住面先至得.