以下係從網上搵到既料,今日同大家講吓.

近日李x軍在訪問台灣時，預測3月台灣總統大選時頗多驚人之語。他預言馬英九在2008年總統大選期間可能遭刺殺，謝長廷要注意心肺健康，王建民來年表現更棒，李安則要開創新天地。

李x軍大膽預言，馬英九的走路姿勢和眼神，洩露「危險訊號」。在兩黨對壘的情況下，馬英九走路老是往左側傾斜，絕非吉兆。他說馬英九2008年1月間恐有劫數。

總統大選誰會勝出？是國民黨參選人馬英九，還是民進黨的謝長廷？李x軍說，國民黨和民進黨目前的運勢不相上下，從現在來看，馬英九、謝長廷兩人的百分比都是50對50，屬膠著狀態，如何打破？有什麼突發事件或者第三種勢力能打破，就有可能改變局勢。

李x軍估計「大事很快抵定」，除了浮上檯面的馬蕭與長昌配兩組人選外，還會有第三組甚至第四組人選出現，而且當事人出乎意外的是「天命授予的南部人」，「真命天子就是奇蹟的產物」。 李x軍稱台灣將出統一中國的真命天子，並且出在台南。最初曾有傳說是陳唐山，後來到其家中一看便認為絕無可能。

睇左李x軍大師既驚世預,真係嚇一驚,點解會咁屎!?佢既嘢,講左等於無講.太虛啦.依家我再講,都係馬後炮.但係我諗都有少少既道理. 

話老馬會係08年1月會有災.有無搞錯.佢果陣時行緊庚寅大運,丁亥流年,點會瓜得,最多咪有官非,丁火剋金之麻.點會死呀? 據係街外流傳既八字(暫時當佢啱),戊午時係九龍出生,以戊為官.行戊官就有運行.好似98年戊寅年贏左阿水餅做台北市長.

以斗數嚟睇,老馬係武曲天相坐寅,行甲,戊及己既大運同埋流年就最盞鬼. 睇番96年丙子及06年丙戍,佢都唔掂.八字嚟講,會克年干庚,財破印,斗數嚟講,廉貞忌係先天財帛宮,所以.咁啱咁橋,96年,佢係做反貪腐既揸fit人,遇上黨內強烈反對. 06年,也同貪污(特別費案)有關,不過係被人告. 年尾壬子強水就唔知啦.壬水武曲化忌.唔知咩嘢事.遲d再睇.

從個名嚟講,馬英九係純火,08年子水被克兼水弱無金生,點沖走呀老馬.用常識嚟分析,民進黨玩左8年,搞到罵聲四起.又玩內哄,你話死唔死? 仲有玩埋乜嘢”逆轉勢”,個名都話左”逆”咯,呀老謝你仲選乜鬼?

呀老李話佢睇亞九哥動靜鬼鬼鼠鼠,左驚右怕,遲早出事,仲會做唔成總統 (係另一篇嘢呀老李係咁講,你地得閒去摷吓) 以上既係動相,我覺得係睇近期既事. 但由個相嚟睇,亞九哥個樣較為和善,下巴生得唔錯,唔似係短命種.而老謝個相雖然睇落幾醒(外號智多星),弊在隻艇向下生,覆舟咀呀老友,行咩運呀?! (舊年巨門忌,講多錯多,今年08年天機忌,個腦生草會諗錯嘢,醒目既人唔利)

講到依家,到分析李大師勒. 大師,純命理既嘢你無,睇相又麻麻,連分析能力都欠奉. 咁,如果你有天眼或靈視,應該係咪要睇得清楚D先至講,係咪老花? 我將你歸係邊一瓣好呢? 唔通又叫你做老千咩.佢仲有其他既講話,都係好搞笑.話呀朝偉會步呀哥哥後塵,話呀泰國白龍王水皮,離開泰國就無法力. 哈哈,呀老李真係無料到你唔信.                

特異功能人,真係屎到痺.  

有樣嘢叫做伏太歲,即係子年命遇上子年,即唔老嚟也. 諗真,真係無理由. 如果只係用年支嚟計數. 你既太歲當道喎,唔係最惡既咩? 其實,有樣叫做刑太歲既嘢,即係辰,午,西同埋亥,叫做自刑. 嚴格d嚟講,呢4味嘢先至叫做伏太歲. (當然又係我話嫁啦)

地支講左咁多,咁天干重唔重要呢? 天干在上為陽,地支在下為陰,應該係要一齊睇先至啱. 天干係表面,地支係內心睇唔到. 係咪可以講,天干比人睇得見,應該仲有代表性. 點解唔用戊土為重點,戊土克子水為財,即係話今年生既人係有錢人. 嗱嗱嗱,重點唔同,同一年生,條命仔己經唔同演譯. 不過,係市面上就較少搵到用天干論命既運程書.

好喇,又再講遠d. 依家有d運程書都會用日元為主咯喎. 譬如今年戊子年,你生係甲日既話,戊子即係偏財坐正印,咁又唔同左之前既講法. 一向以來,算命師都係用年干支嚟表示祖輩或父母親. 咁以前講開用年干支既運程書,並唔係講緊-------你, 而係講你既-------長輩. 而你地又當左係講緊你自己,咁米做左傻瓜好多年. 即係話犯太歲或者合太歲,其實唔關你事喎.我有個唔係好熟既朋友,成日都話呀峰峰點準點準,只係仲未同佢叩頭,人嚟嫁炸. 哈哈~ ~ ~

再講,d人識得用年月日時來計你條命,係咪都啱呢? 時辰呢? 時辰唔同,喜用會唔同,咁點會算得準呢? 仲有仲有,大運呢? 駛唔駛計? 仲有仲有? 果位大師既功力呢? 好多人幾廿年算錯命都唔知? 用神又唔知點捉? 夠未? 其實仲有…….

係毎年既過運程書,都有論及12生肖運運程.呢個題目,今日我想仔細講吓佢.

好多大師用年支嚟推測各人來年運程.就以今年戊子年出生既嚟講.

子年係桃花年,以十二長生為沐浴桃花.另外,仲有午,卯及酉,被評為人緣好,桃花旺. 呢個論點,被人講到爛晒,我覺得係錯既. 點解呢? 因為睇過有d命,都係呢幾個年份,不過外貌同性格唔襯.仲好多未結婚. 不過,就好奇怪,果d運程書,12年之中,起碼7-8年都話佢地桃花旺.哈哈,真係讀死左d書,有無搞錯.

另外,好多大師都用犯太歲,沖太歲,伏太歲等嚟哄人,嚇到d無知既人”滕滕震”.果d友仔竟然會有d學識高及專業人仕.真係諗極都唔明. 咁,合太歲,包括三合同六合,就話人和喇. 你信唔信呢? 沖可以沖去喜或忌神,合亦都可以合去喜或忌神.

就用今年戊子年講,天干戊係官星,亦係壓力,係咪話戊子年就天生做官或係壓力重呢. 出年己丑年,天地同殺,子丑合化殺,係咪瓜得呢.咁,今年出世既baby就要小心d喇.

有時候,聽到d熟人係都猛講風水同生肖運程,我就會做扮傻,一粒聲都唔出.無謂掃人地興啦,人地講到鬼咁專業.

第日再講!