巴菲特係一個長線投資者.

有日,係某書局睇書,忽然留心睇吓股神既面相. (從我睇相既角度嚟講).

股神額中似乎有條頗深的紋.類似一般人叫既懸針紋.不過係好長 由眉心伸上額中仍要過d. 唔之呢個係咪思想周密既意思.晒腦汁呀麻.

眼蔵神有力, 一諗起佢既年紀都7張過外,d眼神仲好有power. 咁啱,我又諗起呀超人都係咁上下.兩位老人家既眼神都係好”實”. 論相,眼係最重要既位置. 眼神強,即係話精力旺,身體好,意志強. 潺仔點賺大錢呀.

至於佢條眉,眉濃而起,眉骨穾. 不過,從圖中睇,右眉眉尾有d散.眉濃聚蓄有勢,就一係唔做,一做就好徹底果隻. 你地睇吓佢揀股票係揀好耐,一買就好專注.一沽貨就一股不留. 佢買股其實唔多款,係好集中, 諗吓佢都幾狼架!　以前船王包玉剛同埋前總理朱融基都好似. 呀老朱條眉仲神奇,好似高台跳水咁. 不過,佢地條眉都比呀股神短. 另外,眉骨突, 係”自己出品,必屬佳品”. 佢話自己從來唔睇d大行報告, 亦都唔會黐住個市.

耳貼於面,相書話 “對面不見耳,必是富家兒”. 佢細個點就唔知喇.

到鼻哥啦,佢個鼻係好有肉,無露孔既,鼻翼收得好密. 好多人鼻大易發財,未必架,要睇埋成個面形先至得. 佢係好慳,駛錢謹慎. 鼻準頗大,咪進財豐囉.

睇埋條法令紋,呢瓣係佢最殺食. 紋寛,深,長.---好勁. 額廣,係先天事業宮,紋廣,係後天事業宮. (獨家老作,咪老番我既專利). 你地睇吓老麥,五六十歲先至出山開創麥當奴生意,睇吓佢條法令紋,好濶好濶嫁.(曾經睇過老麥既相片,佢個樣好開心) 呀溫總理條紋都唔講得少. 老董就唔得啦,好鬼窄,咁咪唔得包容,個運就唔得開揚咯,無乜人肯幫佢. 喂! 笑多d啦.

法令紋長,亦都表示你個人有耐性,愈長愈有耐性.唔長,點長線投資喎.

呢幾日,行書局睇書.睇到某大師既兩本書,講關於鄭欣宜既八字. 邊兩本書呢? 一本係狠批80星page 56,另一本係算命攺運術page443. 奇喇,同一個人,個八字會唔係好同既. 一個係丙午月生(估係2005年寫既) ,另一個係乙已月生(應係肥姐升天之後寫) 起大運差10年噃. 兩本書都無執錯字粒,因為兩本書都係有分析,有評論.你地得閒去check吓.問吓大師點解同一個人,八字會唔係好同 .而佢分析好有文路喎. (以上只係其中一例,其實有好多)

我每次睇一個命既時候,

2 假設我係完全唔識呢個人, 呢個八字應該點對應?

3 試從過去事件分析,唔係一件,係好幾件

4 預測佢既未來,特別係今明兩年既事.(因為好快知錯定啱)

我睇過好多文章,好多大師都係無乜自己較對,而結果講到實牙實齒. 其實,都替佢地幾担心. 你地係大師嚟喎.點解會咁粗心大意.好多後學都會睇你地既文章學嘢偷師,好容易誤導左. 另外,而當事人既話,知道你地睇錯左佢既八字,好可能會笑你地水皮. 如八字無錯,而d大師功力麻麻地既話,唔係嚇親人就就係氹死人.

以往我查過超人李既八字,就有7-8個咁多.個個大師都講得好精彩.

上星期睇到某雜誌講劉x玲,個八字又一個新版本, 呢位大師己經都係好資深.未批之前,有無自己諗清諗楚,個八字係堅定流?

大契話 “耳聽三分假,眼看未為真”

一向以來,從命理書本既知識得知,正偏印星就係貴人星. 或者係傳統既神殺星如天乙貴人,天月德貴人,文昌貴人星等等. 不過, 衣家既理解又唔同左, 八字中既十神,粒粒都可以係你既貴人星嚟.

舉例,你有一位上司,同你幾好,但係又經常鬧你唔長進,表面上令你難堪,其實係恨鐵不成鋼. (官殺係你貴人).

你既生意對頭人,你既競爭對手,可以打擊你,亦都可以令你不斷求進步. (肩劫係你貴人)

行行吓街,突然有隻狗走出嚟吠你,而令你被過車禍,或者高空擲物等.(食傷係你貴人)

你既女友或老婆,要你發達,或者,佢想好似希拉莉,希望老公做總統. (財生官,梗係你貴人星啦.)

睇睇吓書,忽然有個賺錢念頭,令你第日發達.(印星就係你貴人)

其實,貴人無處不在,睇你有無留心.

睇過何鴻燊既故事,印象中,佢係因為曾比人睇少,於是立志發大達.衣家佢真係富貴左,好應該多謝以前比氣佢受既人.果個真係佢大貴人.

以往我睇香港小姐,經常都係揀中,入圍三甲人選都相當高.

究竟點解呢? 我諗極都唔明, 梗有出千啦. 邊瓣最大雞會呢? 憑我既精密推測,唔駛講,梗係係評判身上. 條氣真唔順,出年真係唔駛再睇.

姑且用術數睇睇,馬後炮一番啦. 估估吓!

今年貪狼木化祿,木咪係一碌木. 咁啱佢咪高妹一個囉.

諗吓,諗吓,斷估馬英九都係幾高,而奧巴馬都係一條柴,話唔定會當選做總統都得噃.

思考1

當你去算鐵板數時,人地同你批既時候,打完算盤問你啱唔啱?你雖然無出聲,但之後你睇左條文表示係定唔係,己經係比左答案.

有無諗過佢12本既條文,好可能你揀第一本既就表示屬鼠,第2本既就係屬牛…..,即係你講緊比佢知. 又或者,你掲本書頭,書尾或中間,都有唔同既記號同表示.

思考2

好多時,有一字記之曰等批示,如”李”或”頭”,有陣時無標明係人,事,或物,同埋最重要既係幾時. 真係風水老呃你十年八年,佢地仲勁,呃你成世都得.慢慢等應驗啦.搞到時時囉囉攣.

思考3

事前靈,事後唔靈. 我有位長者朋友,以前比過3位神數大師睇,其中有幾年既運程居然倒轉.果陣時,佢同我講既時候,有d眼紅紅.後來,佢間鋪仲摺埋.好耐無見過佢勒.

思考4

學問攞唔到上枱,無分析,逐本逐本查,逐條逐條計,當我低能既咩. 心目中既神數,係乜嘢時候乜嘢地方都可以用既. 如果你已經好明白某一門術數.就唔駛咁麻Q煩喇. 我相信,呢家嘢笨唔係邵康節發明既,而係後人撻佢個花朵做你世界.

思考5

好少神數專家有其他著作,如八字,風水之類. 記得較為多作品既就有吳x青,佢既作品有天運占星學,樓宇寶鑑……,目前為止,我對佢較為有少少好感,起碼有其他既料. 如果無料,佢地寫其他既嘢,就好容易露底架.

思考 6

盲人可唔可以測鐵板數? 揭唔到書.哈哈,無貼土比喎.

思考 7

求其比流料個師父,睇去點樣測到天花龍鳳?

思考 8

比個己經瓜左既命比佢,你估佢會點講?

思考9

一定要先問今年同埋出年既流年運程.最好詳細d.係龍係蛇好快知.

(以下灰色正寫係呀老董的批章, 斜體是另一位高手既附註解釋,我依家又在附註解釋,約略講吓,嚟一招黃雀在後,) 

㊣ 董x節的批章，沒有特别。相信是在37歲批的。因為37到41有詳批，其他便沒有了。   

 一九五二年二月十五日申時生 坤造     (呢個係新暦嚟)            丙  辛  壬  壬           

 申  卯  寅  辰            

 8382 4388 6390 6473  

有妹無姊 父先去世母尚康寧    父母宮地劫 武曲化忌，雙親不全

 廿五歲 可惜嚴親喪太早罔極深恩未報時 (斷估係血管病變)

 父屬龍母屬犬 妹屬馬 妹屬猴 妹屬鼠  當時面談考出來的  

 紅鸞星不照小姑處尚無郎  

先有花前約後訂月下盟 夫大四歲姻緣定數 考出來 (係咪48戊子年? 如果係,呢條友都唔係好得去邊,脾氣差,事業見忌殺,仲比當事人差,)

 一子送老挺秀之兒 福祿人家生貴子   考出來 

窈窕風前柳幽貞雪裡梅 是女兒身具丈夫氣 天同太陰守命 

陰命 大利南方        八字命欠火，利南方 

身懷兩技數由前定      命中有鳳閣  ((邊兩技呢? )

 與人南山户對開黃道使他北闕門迎照紫薇 (紫殺亥宮)

 一字記之曰李 陽春召我     可能是貴人姓  

一字記之曰夷 鬆不得      夷可以是外地、外人 (又係唔之講乜Q,以我所知,巨日同宮為外族,22-31 事業申宮見忌,即鬆啦,; 42-51巨日同宮先至有d用,不過仲要等流年引動噃.呀老董你講清楚d好麻)  .

只發夫家不發娘家 千里同心 財帛取之不竭 夫妻宮天梁化祿   (事業宮天梁化祿,靠自己都掂啦) 

直划橫划循此法則我為先生堪為法式  鼓勵之說話  (唔之講乜Q) 

一字記之曰香 此地可遠圖重新下功夫  可用納音計出  一字記之曰馮 言明先佳趣添 再約法礙障拔 可用納音計出  滿天下士能接遍洛陽園身可遊    兄弟宮見天府化科 朋友 ,奴僕宮紫微化權  有助力  (換個角度睇,賓強主弱,係奴欺主呀)

辨玉石母降格 華夷顧比肩無 欲成令器須追琢鼓勵說話，要努力才成功  (廢話!)

迎變再迎變踏正不可偏      不可投機，慢慢做生意 (廢話!係人都啱)

 發憤商務得經絡        可做生意 (22-31,事業太陽忌,財宮空宮會忌,32-41,事業貪狼忌,流運有破軍祿及坐空會劫,十分波動,雖然財宮紫殺旺,但壬寅42-51與前運癸卯運斷層,舊既會破,會另有新發展,財運會是較好的一個大運,但之後既運就好唔老嚟……) 

遊夷察夷夷作 做生意  (係咪同外國人有關呢? 咩嚟架,幾時?)  

崇華思華華乃心 (唔好話去算既唔明,同你算既都唔會明,超! 係咪呀華仔,劉華;唔通你話比我聽想返祖國咩.) 

謹舟慎車 小心車馬 (係人都啱用架老友,咁飛機呢?梗係唔駛驚喇!) 

恩愛道上生疑阻疑阻又生恩愛來 夫妻宮見火星，陀羅 (多數人都會有咁既情況,包中,又係廢話!) 

叧有温暖到心田 義父義母義緣添 有乾母 ㊣ 

後記

呢條命,壬水傷官食住丙火官星,而夫妻宮卯被申暗剋合,老公會被撬走.姻緣真係麻麻

條命睇完喇,有乜心得呢? 一頭煙囉.自己已知既六親生肖同埋不著邊際既空泛嘢,咁得閒同你猜謎咩? 時間又唔比,有Q用咩? 幾千甚至幾皮嘢架!如果有一日,有個黑幫大佬去測命,唔知老董會點講?

想像吓先d條文 (老作)

相交天下,義氣為先

横財常有,横禍亦來

流年吉凶叠並,

跟住,呀大佬問,”即係點呀,吉定係凶呀,己經plan左好耐,會死人架.你唔講清楚d,你就真係凶勒”

大師就好冷靜地再撥吓個算盤又一句 – 瑕不掩瑜

大佬又問,”我唔識喎,你講吓啦”.

大師就話,”瑕即係瑕疵,瑜即係……….”

其實都係無答到.呀大佬諗住今年年尾食大荼飯.依家都唔知點算好,好迷惘! 

前一排講開無睇神數既嘢好耐,又提及過兩本神數三日通之類既書,我都無乜點睇.嘿! 呢兩本書,我係網上睇到有人評論,媽到趴街.話下冊好多重覆上冊既嘢. 無嘢睇,要回水

今次篇嘢好傷神,又花時間,禽晚己經post左上blog又del過, 不過d排位成日唔齊,真係火到嚟.好在之後聽到呀三姑同埋志雲大師搞笑talk,人都爽d!

有乜唔開心,唔好放係心. 忟憎易生癌,歡笑勝黃金   

想像系列:-

如果有人-咁-樣做 (聽得呀三姑多得滯),搵個初中生,中一生都得架喇. 先教佢鐵板數,用簡單計數機都掂. 另外,教埋佢12生肖沖合大法,然之後,教埋佢玄空既基本盤,9格之麻,剩係9個順飛方位,我諗佢學得到(唔駛計叠星,因為有d運程書只用單星講世界運,都講得好出色!!!) 最後,教埋佢最基本既嘢,簡單既五行生克,會學得曉架,唔駛擔心.-咁-……就可以造就一位超級鐵板小神童. (當然係以鐵板數做賣點啦,其他既嘢對住一般大眾都夠用) 以上呢條橋,唔知收唔收得? If ok ,then -- Mass of production !.

鐵板數我諗最重要既部份,係分刻表既設計. 我曾經見過,有本書列左出嚟(不過,d料唔知堅唔堅),由子時至亥時每一至八刻既婚緣及子女數.鍾意硏究既人,可以去睇吓裏頭既排列. 因為我己經對呢家嘢無興趣,所以當時無再留意果份表.

只要功夫深,鐵柱磨成---金. (圍棋夠簡單咯,咪玩到你傻)

舊年個市好到不得了,人人係股神,個個係神仙.

記得97年既時候,當時個市又係炒到飛天. 有晚,見到個電視訪問一位風水師,佢話佢已經無做,而係轉左去炒樓,仲據聞賺左個億添. 依家佢係點?如無記錯,都係做番老本行.(太耐,唔之有無記錯.記得既朋友,請嚟指正吓)

都係講番舊年,見聞如下

2 大大師李x明自辯話,佢本來估07年個市係去到28000既,不過老編話會唔會睇大左,同佢改番細,好似話20000或23000喎.結果真係有28000,仲升上32000. 大師呀大師,你係大師嚟,係嚟測市,唔係估市. 預測既嘢,事前點會比佢地估得到,照登咪得囉. 如果當時佢真係咁登,佢就真係威咯.講到底,無信心.

3 卦神楊x命,舊年預測10月17同19日既市係跌,點知失手左.兩日都係升.有一日仲勁升.不過,佢錯左仲死撐.有乜好撐呀,錯咪錯咯,唔比人錯既咩.有邊個未計錯過.檢討過第日再嚟過咯 我對佢有d失望.

4 股壇沈大師,佢好嘢,居然毎個星期都有預測個市,時得時唔得.佢個種睇法,我覺得有d捉錯用神.準起上嚟都幾好,不過錯起上嚟……..

5 易學大師伍x璞,佢估到舊年8月既跌市,之不過就好似睇唔到之後既大升市,成萬點過外.    

你地嚟秤一秤,以上邊個最勁呢?

最唔鍾意有d友仔,成日預測個市好波動.你話喇,有邊年邊月個市唔波動嫁.除非個市瓜左啦.仲有d流家連,成日話個市基本因素係點係點,你話喇,唔通基本因素好,隻股就真係一步一步升咩,有時基本面好,個市都會跌架.

舊年,有次同人去聽股市講座,吓,居然有風水師嚟教人炒股.有無攪錯呀.大師,你識唔識睇圖架? 咩嘢叫波波理論呀? 巴菲特同邵康節,我寧願揀巴菲特囉!真架! 你地睇吓有邊個風水師發大達? 股票大師就多好多,好似彼得林治,德國股神科斯蘭托尼(個名係咁上下)…………不過,有個香港既陳x聰風水師,可能會例外.

但係,佢既官司,我買佢輸.

今年個市都係無眼睇咯! 財無生助.年底仲衰! 睇吓庚申,辛酉月剋比護財,會唔會反彈吓. (但係,就庚金會直剋甲木,變成財生殺,殺攻身,個心唔係好安樂)

以前睇明報,有位仁兄叫呀”樂”,多得佢,鐵板神數同埋好多神數專家先至被人吹到上太空. 當時我地d蛋散,對術數有少少興趣既,梗係封佢地做偶像啦.神嚟既噃.

有陣時,幻想吓一d情境

神數大師,請問今年流年太陽在卯田宅宮,咁事業會點呢? (老作)

或者又講,我有支卦,臨卦2,3,4爻動,問姻緣咁點睇? (又係老作)

黃老霑命例, “音符表達心聲好,樂章萬千周郎賞”

“音符”,是現代人語,以前我諗未有卦.仲有,呀霑叔音樂有才華,當時無乜人唔識.

佢82年算既喎. 另外,佢係64歲就仙遊,而佢既命書就話”72 老夫猶是少年人”.咁咪死早左,好唔扺 ------  .    至於佢死於煙仔,肺癌(好似係?記得唔清楚), 唔之批命有無講到. 一字記之曰”肺”不得不慎 或一字記之曰”煙”不得不防. 如果有講到,佢可能好早就會小心. 如果佢既仙逝日期無計錯數, 可能唔會放任自己食煙仔.當佢發現自己生癌既時候,睇番份命書,真係唔知點諗.

講開又講,馬x成既”金鱗豈是池中物,一遇風雲便化龍” 呢句嘢,諗真吓,係人未發蹟之前都會啱用.未發既咪望吓望吓咯,發左既就話好犀利,咁都中,比人托一托,梗會開心啦. 不如,你比個時間我,就最實際喇.