以下純係老作, 絶對求其諗, 絶對個人偏見, 歡迎抄襲.

話說呢兩日, 小城市講緊 “董事禁售” 問題, 熱鬧無比. 正奸會大義澟然, 為無知散戶出頭, 對本地上市公司開刀. 真係要拍手贊成. 我係大鱷都全力支持. 多謝晒.

不過, 為左本地廣大既散戶著想, 諗諗吓, 本人仲有些少絶橋提供 :

1 散戶雞翼徵費唔收, 或者最少減半. 存倉費都豁免啦.

2 加倍大戶, 大鱷雞翼費, 期指炒賣費. 以津貼輸錢既散戶

3 每季, 半年, 及全年, 股市都有一個估恒指jackpot大奬, 只限散戶參與. 嘩, 諗起都和味. 馬會都要行埋一邊.

5 醫療津貼當然走唔甩, 炒股係好大壓力架麻. 散戶仔點頂得順呀. 發左神經仲點支持股市呀.

6 可以既話,  “講瓜左”既主席位, 可以用拍賣既方式投番嚟玩吓. 每次玩一個禮拜, 任玩, 乜都得. 我諗, 全世界都會嚟特區學吓嘢.

7 久唔久, 為左搞吓氣氛, 等個場無咁悶. “講瓜左” 搞吓股份狙擊月, 或者股份抽獎大贈送. 又或者, 呀老周自己捐d平價 “講瓜左” 股份出嚟. 真係皆大歡喜.

--------------------------------------------------------------------------------

題外話, 腊髮會既議員湯渣華, 跌股話拉, 為左係雷曼輸左錢既老友, 最好去米國示威吓, 衝擊吓佢地既政府, 等佢地唔好以為香港仔好蝦. 呀脷柱明, 唔該你都出埋你, 同你d襟兄弟宣示吓香港既烕信, 唔好比班米國神棍咁得戚.

有人話, 今次正奸會咁樣做法, 擺明係通敵, 應該叫老廉嚟查吓d高層, 叫佢地飲吓廉記咖啡. 咁傻仔既嘢都諗得出, 除非收左水.

天機化忌, 真係搞到人傻傻地架.

1 禽日睇到本經濟一周1417期 , p100, 亞情情話今年08年, 一白貪狼入中, 所以中國有奧運應數. 出年09年, 九紫火, 咁啱中國60周年國慶. 九紫主喜慶.  照咁樣講, 04年既希臘奧運, 04年五黃入中, 中國應有大事件. 印象唔多覺. (記性唔好, 反而記得03年北京有禽流感) 斷估希臘係中國既西面, 04年西面係七赤, 乜西面唔係貪狼位咩!? 04年, 貪狼在北方.係咪有d矛盾呢?

3 係”風雲十二日”, 預測左出年年頭會變種禽流感, 咁啱, 今日新聞就講起 H9N2 既隱形病毒打到嚟. 希望只係輕keng嘢.  

比食財官印. 反過嚟睇, 印官財食比.

諗番起, 二次大戰之後, 百癈待興. 當時既社會, 好多國家, 仲係以君主, 元首既權力仍然為重. 之後, 到左6,7十年代, 做官既仍有相當地位, 睇吓當時香港就知. 不過, 到左80年代, 香港開始多左好多富豪, 有d仲係世界佔有一地位. 90年代, 開始電腦已經頗為流行, 講食腦既天下.

無錯喇, 就係想講食腦. 食傷大旺會有以下現象 :-

1 電腦横行. 無左電腦, 好多人無得撈. 炒期指,期貨班大帝都幾頭痕.

2 電影笑片熱賣. 睇吓星爺幾咁搞笑(食神當道), 又搵幾多銀. 又無厘頭. 呢d十足十既傷官行為, 不依規矩. 最近興勁打交片, 點睇都唔似係人類拍得到出嚟. 又有地球末日片種, 係咪”破”既先兆.

3 大旺靠把口搵食既人. 睇吓幾多風水師出嚟行. 不過, 最”近”既都係呀奧巴馬, 口才了得就可以攞個總統嚟玩吓. 真係”近”

4靚kent無枉管, 老豆老母唔敢打. 喂, 人權噃, 佢會告你地過喎. 學校d老師都無佢符. 梗係啦, 玩吓手, 連份工都會無架. 佢地識得投訴. 有d仲識得做吓戲玩吓你, 死未.

5男人鍾意溝女. 睇吓全世界既黃色事業幾興盛. 特別係日本. 今日睇到新聞紙話, 色情業為日本帶嚟6800億收入. 嘩! 嘩! 嘩!

6女人都鍾意搵銀多過搵老公. 食神傷官剋官殺星, 睇吓幾多靚女唔恨嫁. 梗係啦, 女權追上嚟喇. 食傷旺咪就係女權旺咯. 女總理德國都有一個, 美國亦有個國女黑人國務卿, ……..

7 民主自由大旺. 你地睇吓呢幾年, 有邊個政府會安樂架? 好安全咁落台都偷笑啦. 民主同共產都係差唔多. 都係d政棍利用無知既百姓做自己嘢. (突然間諗起笑傲江湖既任我行, 同埋米國佬呀薯仔)

以上都係小兒科既嘢

8 強勁食神傷官, 對於個人嚟講, 係主動出擊型. 不過, 對於國家嚟講, 主動出擊就即係撩是鬥非, 想爭奪財富就會發動攻擊或突襲.  

10 另外, 法治會被忽略, 人好容易無法無天. 美其名話自由, 實質係亂咁嚟.

睇吓呢個世界, 幾多嘢話自由,民主就大晒. 我諗, 傳媒係最大既, 好似無王管咁. 無法啦, 邊個敢出聲. 依家傳媒己經成為公審既利器. 睇吓人類幾時自食其果!

11 由美國引發既金融海嘯, 真係財金機構無監管既好例子. 無他, 官星無運, 政府無力.

13 ........

咁, 食神傷官大運之後, 行乜嘢大運呀. 咪到比肩劫財運咯. 無眼睇. 會唔會由今年開始行呢? 幫手諗吓有乜嘢現象

簡單講住少少, 就係一個 “破”字. 今年08年已經破唔少. 廢話! (希望係自己亂諗嘢, 無無謂謂亂咁吹)

2 以前睇書, 話食傷旺就係腦筋好, 諗嘢醒. 不過, 我見過有d命例, 食傷旺無破無沖合, 不過分析力麻麻, 但係記憶力就好勁. 巨細無遺都記得, 強到得人驚既感覺. 而另一個朋友, 印星旺, 記性反而麻麻. 但分析能力就好強. 以前學既嘢, 唔係咁講噃. 點解掉轉架?

3 股票究竟係屬乜? 好多人話係屬水, 又有d大師話係屬金. 我以前都好唔清唔楚. 人地咁講, 我咪咁睇咯. 不過, 就時中時唔中. 唯有以當年立春八字既財星為準. 

4 好多大師, 對來年經濟預測, 都是以財星為主. 不過, 好多時, 佢地預測經濟同股票都係一齊講. 呢件嘢, 諗一諗, 有無理由架? 好多股票分析師成日講, 股市係走係經濟前頭半年至9個月. 咁, 如果用財星嚟睇, 係睇緊經濟發展定係股市升跌呢? 唔明. 所以, 好多時, 我對於自己股票預測, 都係15,16嫁炸. 中左都係好彩.  

88888888

1夫妻宮既子女宮係乜嘢宮 ?

答案 : 疾厄宮

2命宮紫微化科在午宮, 寅宮既天干係乜? 命宮係乜嘢五行局?

答案 : 天干壬水, 木三局.

答案 : 天機                       

                            999999999

1 之前預測過, 48年出生既人, 有糠尿病. 甲子乙丑月會有問題. 依家只係 呀永霖哥哥出嚟, 話亞魔童唔撈. 咁啱, 呀永霖哥哥係48年出生既. 不過, 我心目 諗咁果個, 仲未曾發出嚟. 係咪又衰左呢? 等吓先.

2呀叮噹天后, 比人算佢07年會發神經, 點知人地就去信左主   流傳既八字如下 : 壬子年, 戊申月, 壬午日.  大運行緊甲辰

我睇唔到點解呀叮噹會發神經喎. 丁亥年既丁火有甲木生, 丁火唔會瓜. 見庚金就仲大把火 “fung fung聲”. 就算無火, 最多都係無動力. 甲木制戊殺. 佢會諗計嚟對付壓力. 反而, 甲辰運, 官殺受甲木直剋, 會唔想做嘢同唔想結婚. 另外, 仲會經常發脾氣. 老細都無面比.

估唔到咁快, 魔童咁快就玩完. 我本來都係唔睇好呢單嘢, 要配番副眼鏡先至得. 個人嚟講, 我係好欣賞魔童既衝勁. (衝呀衝……快搶攻….   )

係佢新上任既新聞, 睇呀魔童係亞視既豪情壯語, 當堂要為佢抺一把汗. 喂, 老兄, 你當亞視員工係咪包袱呀? 當亞視d管理曾係咪一舊飯呀? 當亞爺係咪阻住個地球轉呀? 佢講好多嘢, 我都無點上心, 就係佢講唔好再要呀爺嚟睇場呢句嘢, 唔, 我就苦笑啦. 吓, 米國佬都要睇住亞爺個荷包啦.

一個人, 以前勁未必話你以後都會咁勁. 算命術語有句,  “發過不再發”. 即係話好運已過. 你地睇吓97前幾多意氣風發既大佬, 風暴一嚟, 三幾年就打柴. 今鑊係海嘯, 唔之再有幾多個大佬拉柴. 做人不要 ”氣太驕”

斗數既四化, 好多時係先化祿, 再到化權, 然後到化忌. 先係好運, 個人樂觀, 之後個人就會有d橫行覇道, 因為有話事權, 最尾, 就到左化忌, 開始行衰運. 例子,如武曲己年行化祿, 庚年化權, 壬年化忌; 又如天機乙年化祿, 丙年化權, 戊年化忌. 今年咁啱就係天機化忌. 哈, 天機化忌, 忌食腦, 忌叻唔切! 所以, 做人最好謙謙地, 唔好脷刮刮, 要認做細佬會著數d.

戊子年, 癸亥月, 戊寅日, 係呀魔童開工日, 而戊子年, 甲子月, 辛卯日, 丁西時. 係收檔日.

戊日係魔童, 坐下寅木七殺, 即係性格雷厲風行, 又代表壓力. 而年支係亞名妓永霖, 坐下子水成癸合化火生戊土, 即係話老板所信任既人. 好喇, 到左甲子月既時候, 子水係日干戊土既財, 財去生甲木同寅木去剋日支戊土, 老細唔滿意呀魔童. 己丑日, 己合去甲月, 呢度甲係職位, 丑合去寅日, 所以呀魔童被人話佢唔撈. 到左辛卯日丁西時開會, 魔童先至劈低支砲, 辛日西時啱啱就係日主戊土既傷官. 自己要話事.

而名妓永霖點解又無事? 好簡單, 子水合戊化火生年干戊土.  

出年, 我睇亞視會有新既大拍擋. 呀查大哥會認做細佬. 新老細會係點? 魔童同埋名妓既後運又係點? 麻煩你地幫手諗吓.

好喇, 又係斷估既時間 :-

1雷曼事件, 最快要明年第一季有著落, 最多可取回四份一. (靈感)

2出年年頭會有禽流感變種. 最快丙寅月就知.  

小問題:-

1夫妻宮既子女宮係乜嘢宮 ?

2命宮紫微化科在午宮, 寅宮既天干係乜? 命宮係乜嘢五行局?

呀六叔有練氣功, 個人又長壽如龜, 所以龜波氣功咪咁嚟囉. (老作) 至於魔童, 佢既絕技就係魔貫光殺砲. 照以前既戰績同招數嚟睇, 梗係悟空贏啦. 悟空仲有招頂頭鎚添.

個人嚟睇, 今次既大戰, 都係呀六叔贏既多.

悟空, 無線咪係無嘢咯, 咪即係空咯.

呀基哥以前既戰績, 雖然係好”近”, 不過呀六叔仲勁. 由電影打到去電視, 係未輸過. 由黑毛悟空, 打到變金毛既超級撒雅人3, 唸起都勁. 至於呀魔童, 頂龍都係可以同呀菲利大王第二次變身fight過一陣, 你地話佢有幾’近’喇…….

呀查先生舊年入主亞視既時候, 出左個logo A字, 一睇就唔順超, 好鬼唔妥. 有頭威無尾陣, 想唔瓜都幾難.

(我又諗起幾年前既8號仔電盈, 合併後就出左個logo – 半虛半實既地球. 哎! 聽打柴. 之後, 又轉左11個格仔既logo,7虛4實, 仲死, 即係等拆骨. 由2000年既28蚊, 應該140蚊, 衣家剩番得….. )

同埋佢仲係用舊圵五台山做總部. 地運都輸埋 .(呢個我唔知亞視有無換過新地址) 如無記錯, 人地無記係04年左右就移動到將軍澳.

亞視有大把算命師, 風水師, 點解唔幫吓手. 亞四叔既”比埋你生”, 就鬼咁多風水師爭住上. 亞視既查先生笨唔係泛泛之輩, d高人去晒邊? 成日只係下午婦女節目就蒲頭. 印象中, 好耐以前既亞視, 曾經呀李x軍好似幫過吓手. 結果, 都係唔掂.

除非, 亞視由頭到腳大變身, 否則, 係咁先 ……

之前測泰國, 用 ’頌猜’ 個名起卦成山水蒙卦, 變卦左做風水渙. 答案係衰左. 周日甲戍日, 只係示威者係咁咦比人叫佢地走. 反而頌猜過左幾日就無得撈. 起卦果日, 個心諗左一陣, 個 ’猜’ 字係14定係15劃? 卒之揀左14劃, 哈哈, 咁就衰喇. 如果係要15劃, 就成艮卦變地山謙. 謙卦對於頌猜嚟講, 即係退位. 起卦講觸機, 以第一感覺為準, 一諗親就弊.

sssssssssmilessssssssss

有番薯話,  “02,03年係你既官殺年, 果兩年如果結唔到婚, 就要等到下一次官殺年嚟, 即係12,13年就有可能有架喇.!”

類似以上呢句嘢, 經常久唔久係電台聽到, 我就覺得好謊謬, 仲係幾離譜個隻.

喂, 駛唔駛睇埋大運架? 駛唔駛睇埋流年地支架? 02,03天干係壬癸, 即係丙丁既官殺. 如果提問者係丙丁日主, 行緊財殺辛亥運都結唔到婚, 咁, 行到下一個戊戌傷官同臨既運, 結左都容易散. (呢d多數原局有問題)

咁, 到左12壬辰年,13癸巳年, 個情況都係差唔多. 至於, 地支水年又會點呢? 金水年就會容易拍拖或結婚, 如庚子年或辛亥年. 今年戊子年, 食傷克水, 唔駛諗, 比心機做嘢啦. (個男友都可能失運)

多年前, 睇過肥嘟嘟大師的作品, 如玄空飛星, 八字新論及手面相等書, 覺得佢好好嘢.

二係很公開自己既心得. 笨唔係個個大師肯咁做, 不過, 點學都未必追到佢既level. (我仲未做到佢咁大方, 同埋, 我都係未夠班, 講出嚟會比人笑)

以前呀大師, 自學玄空既時候, 諗深層真係唔簡單架. 果陣時, 邊有好似衣家咁多書出, 你想自學邊樣都得. 仲有, 自學係好花時間架. 而佢, 係睇番原著嚟學, 又學得識同叻, 中文屎d同埋理解力低d都唔掂. 之後, 仲開班教人. 就呢一件, 都已經係好勁. 據聞, 跟佢學過嘢既人都唔少, 有d仲係衣家做緊大師搵緊食.

肥嘟嘟大師所寫既嘢, 個人覺得係好有直覺性, 相同既嘢, 唔係次次直接可以apply落去. 唔怪之得佢話, 佢既學生同徒弟, 仲未有人學到佢既真傳. 

最近, 佢係第3次中風入院. 睇番新聞話, 依家係等緊佢個仔由美國返嚟先至…….

以前, 唔記得睇過邊本書, 約略提過佢既八字. 丁亥年丙日生. 現行乙已運戊子年. 已運舊年受亥水沖, 唔怪得佢話舊年應該已有事, 依家己經係賺左. 其實, 運干乙木仲係到. 今個月癸亥月, 亥月再沖已火, 癸水剋丁火, 乙木 ....... 總之希望佢吉人天相啦   

€€€€€

泰國既政局好麻煩, 好早都有諗過. 不過, 泰國既亂局已發展左約4-5個月, 所以無再預測. 而家估吓先, 泰國總理頌猜, 頌猜成卦得山水蒙, 變卦風水渙. 係甲日頌猜會出招. 最近既日子, 即係本周日甲戍日

之前測左  “枱都會灣” 係甲子乙丑月有嘢發生. 其實, 到時候, 仲有好多地方陸陸續續都有大型示威.

11月26號,庚午日丁亥時, 印度多處比人炸. 戊年癸月化火, 午日丁時齊齊克庚金, 所以就有大鑊嘢發生. 新聞講, 搞事者話係針對歐美人土. 庚金咪係外國佬咯. 呢個八字, 係咪同出年既立春八字有d似呢. 兩丙火克日主庚金. 諗諗佢.

 索馬利既海盜, 預計出年農曆3-4月就會被搞掂

“試舊衫”公司既老細, 好早見到就唔鍾意佢, 尤其係對眼. 今年39. 正行眼運. 唔,真係領嘢. 比人周左去.“ 試舊衫”既卦象, 即係雷風恒卦. 變卦係雷天大壯.金克木. 被好高既高官拉,斷估踎3年. 仲有, 支卦倒轉睇就係無妄卦, 無妄之災呀. (直覺) 

好耐無寫, 多謝光臨.

幾年前, 試睇吓水餅幾時出事. 06丙戍年, 有施明德紅衫軍倒扁, 點樣都整唔到佢落台. 當時, 我都測過水餅唔會落台, 會做到尾. 下台後會有官非. 呢兩日, 佢被人拉, 2630就係佢既新花朵. 呢條友仔真係夠傳奇. 大起大跌!

之前係我篇 “貪狼與天機“ , 測油價會係癸亥月創新低. 由11月7號開始, 己經係癸亥月喇. 而係另一篇既文章 “預測&直覺“, 油價靈感價係50蚊. 禽日紐約期油到左56.16蚊啦. 都算中喇卦. (都係好彩, 無乜特別. 暫時啱住先, 仲要睇耐d). 記得, 之前有好多專家都話油價, 由約150蚊跌落嚟, 應該跌到70-80左右. 

 xxxxxxx 

11月9號晚上8點半睇亞視, 見到呀帶子神婆講五行.

希望無記錯, 大意如下: -

佢話, 如果係春天出世, 個人唔開心, 木旺就要用金. 咁, 要著多d白色衫呀, 戴多d金器呀等等. 其他如夏天出世要用水, 秋天出世要用木, 而冬天出世要用火喎.

我諗, 佢係諗緊日元屬土, 春天木旺克土, 所以個人會唔開心. 用金嚟劈木, 咁就會好架喇. 其實, 有無再諗清楚, 土命本已被木克, 又洩氣用金克木, 好嘥力啫. 點解唔用火. 一可以調候, 二可以化殺生身, 兩全其美. 更可況, 如果係弱土, 就更加弊. 上吐下瀉.

日元,可以係金, 木, 水, 火或土, 只係用金剋木. 係5份1種方法. 5x5就有25種組合. 仲未計日元陰陽添. 只係講用金, 係咪too simple.

市場上仲有d用星座, 塔羅或者玄空等方法嚟算流年. 我都好少睇.

星座既嘢, 因為無乜硏究, 所以無嘢講.

塔羅呢, 我覺得較為淺, 所以唔想講.   (無料既人係無嘢叻, 我d誇啦啦嘢又出嚟喇! 易卦自己就唔覺得太難囉, 只係要花多d時間. 不過, 學塔羅, 靈感強既, 好易上手.)

玄空, 以前講過. 仍然唔鍾意佢太粗糙. 9個方位就講到晒d嘢, 點相信. 所以, 一望到呢類既運程書, 我就無乜心機睇.

1 聞喜 – 殺印相生, 有呀爺睇住. 木火土都旺, 火土旺,利火土行業.

股市春季及冬季都係唔好, 夏季漸好, 秋季有起色.

最尾, 講到姓名學既嘢, 我都係唔上心.

2 盲俠聽聲劍- 佢用八字講解,唔用卜卦, 第一失望. 八字解釋好簡單, 第二失望.

盲俠話, 兩丙火夾命. 國家, 政府有麻煩. (我以為佢慣用卜卦既高手)

其他佢既預測

六七月中東戰爭;  日元依家升到明年2月頭;

出年股市跌多升少;  樓價夏季尾,秋季頭入貨.

澳門唔掂.

3 髮正先鋒 – 佢話用六壬起卦得水山蹇, 即係有阻礙喎. 好簡單既卦象, 解到咁多嘢咪好 ”近”. 我本來以為佢係用大六壬起盤, 點之失望添. 八字解釋話己丑濕土, 小心水災.

仲有佢測 - 人民幣對美金升到6.6 , 油價升, 食品價升

髮正,你係咪識神通之類既神功嫁! (我聽過有d人講, 有d大師識神通, 笨唔識命理, 講吓風水命理係裝假狗. )

4 木宰羊 - 乜都無,只講生肖運程. 無世界同港運分析, 無八字,無玄空. 百無!!!

一個字 – 屎!

5裝甲車- 講少少玄空嘢. 都係無嘢睇. (玄空講運程, 我麻麻地信)

我又斷估先, 今年立春八字顯示, 1948年生, 有糖尿病既富豪, 係嚟緊既甲子月及乙丑月, 有隻大鑊等緊佢孭. 睇吓撞唔得撞中.

11月2日, 睇某電視台晚上8點半既玄學節目. 呀峰仔話佢之前測今年8月8日, 10月8日或11月8日個股市會升, 頭兩個測既日子己經衰左. 唔之11月8號靈唔靈, 如果再唔靈. 就再睇到出年3月喎. 哎! 呀峰仔, 你知唔知自己錯係邊. 駛唔駛同你講解吓. (啱啱近排我睇得好少少) 你已經出嚟行左咁多年. 大把徒子徒孫, 唔明你以前點教嘢比佢地. 我諗你可能都係要再進修吓.

佢既雙數年話下半年會升. 唔知會係點升法. 係勁跌先至少少反彈, 咁係咪叫做升呢? 其實, 如果跌左咁多, 今個十月份約有7千多點, 唔反彈先至奇,奇,奇! 哈,佢又中啦. 戴番隻準d既錶啦.

諗吓啦, 佢既股市升跌周期偉大發現, 真係好搞笑. 唔通, 咁簡單既嘢, 果d數學家, 經濟學家, 睇圖專家都睇唔到咩? 有幾複雜呀. 香港普普通通既經紀, 小心硏究吓都會發現啦. 佢真係以為係大發現呀 ???!!! 今次, 真係領嘢喇. 信者瓜得!

最離普既就係佢話, 如果11月8日再唔升, 就睇出年3月. 吓? 有無諗過點解嫁?

佢又話04年8000點升上嚟, 唔係呀, 係03年4月既8332點開始升. 記清楚d料先啦.

呀峰仔話自己, 行緊貴人舒服運. 印制食傷呀, 食傷就係投資, 你話投資羸定輸喇? .  

跟住, 又講香港匯豐前面對開有動土, 所以股價係咁跌. 咁,我想問, 隔離間渣打,點解跌得仲金過滙控. 由315跌到105, 66%有多. 而匯控, 由153跌到75,都係一半多d d. 有無查清楚架. 建設銀行股價都由9蚊左右跌到3蚊樓下.超過66個巴仙. 咁, 再問, 美歐都有大銀行出事, 係瓜左, 佢地前面有無動土呢? 用吓個腦諗吓啦. 

呢個係世界性既問題. 講開又講, 好多人成日鬧政府領導人唔掂, 睇吓全世界,有幾多個領導人無問題架? 立春八字係三甲剋戊土喎.

仲有好多老千大行瓜左, 米國大行既金融人才, 個個都唔講得笑. 5大投行咁就打柴, 都值啦. 滾左全世界咁多水. 唔瓜真係無天理. 最唔扺要其他人陪葬.

舊年, 有間行話1088神華會到102左右, 係咪傻架? 唔知果位老友之後有無食燉冬菇配炒魷拉麵.